Hysbysiad Preifatrwydd Cynllunio
Y rhesymau dros ddefnyddio eich data personol
Bydd y wybodaeth y byddwn yn ei chasglu amdanoch yn cael ei defnyddio:
- I asesu ac egluro ceisiadau cynllunio, a phenderfynu yn eu cylch
- Fel bod sylwadau a wneir ynghylch ceisiadau cynllunio yn gallu bod ar gael i’r cyhoedd
- I gynnal a darparu cofnod cyhoeddus o geisiadau cynllunio, fel y mynna’r ddeddfwriaeth berthnasol
- I hysbysu unigolion eraill a sefydliadau am y bwriad i ofyn am eu barn
- I ymchwilio i achosion honedig o fynd yn groes i ganiatâd cynllunio
- I lunio adroddiadau a gwneud penderfyniadau ynghylch ceisiadau
Sylwer bod enw perchennog eiddo neu dir, a chyfeiriad yr eiddo neu’r tir hwnnw, fel rheol yn gorfod bod ar gael i’r cyhoedd. Mae’n ofynnol i Gyngor Sir Ceredigion gyhoeddi unrhyw sylwadau (ac enw’r person sy’n gwneud y sylw) a ddaw i law ynghylch ceisiadau cynllunio, ac efallai y cânt eu hadrodd i Bwyllgor Cynllunio’r Cyngor ar ffurf gryno. Mae pob sylw a ddaw i law hefyd ar gael i’w gweld gan y cyhoedd, ymgeiswyr a Chynghorwyr.
Dyma’r sail gyfreithlon ar gyfer prosesu eich gwybodaeth:
- I gyflawni tasg er budd y cyhoedd (cynllunio a rheoli datblygu)
- I gydymffurfio â’r gyfraith
Mae’r canlynol ymhlith y ddeddfwriaeth berthnasol:
- Deddf Cynllunio Gwlad a Thref (Cymru) 1990
- Gorchymyn Cynllunio Gwlad a Thref (Gweithdrefn Rheoli Datblygu) (Cymru) 2012
- Deddf Cynllunio 2008
Beth os na fyddwch yn darparu data personol?
Os na fyddwch yn rhoi’r wybodaeth y mae arnom ei hangen pan fyddwn yn gofyn amdani, gallai hyn olygu na fydd modd inni brosesu eich cais ymhellach a rhoi cymorth neu arweiniad ynghylch eich cais, neu fe allai olygu y bydd eich cais yn annilys.
Pa fath o wybodaeth a ddefnyddir gennym?
Gallwn gasglu’r mathau canlynol o ddata personol amdanoch er mwyn darparu’r gwasanaeth hwn, gan ddibynnu ar eich amgylchiadau:
- Enw
- Cyfeiriad
- Cyfeiriad e-bost
- Cyfeirnod unigryw (rhif y cais cynllunio)
- Rhif Ffôn
- Manylion banc
- Cyfeiriad llawn y datblygiad
- Manylion yr asiant (os yw’n berthnasol)
A ydym yn defnyddio gwybodaeth a ddaw o ffynonellau eraill?
I ddarparu’r gwasanaeth hwn, rydym yn casglu gwybodaeth a ddaw yn syth wrthych chi ond rydym hefyd yn cael gwybodaeth o’r ffynonellau canlynol:
- Y Porth Cynllunio
- Yr Adran Cymunedau a Llywodraeth Leol
Ceir gafael ar y mathau canlynol o ddata personol:
- Enw
- Cyfeiriad
- Dyddiad geni
Trosglwyddo eich gwybodaeth dramor
Ni fydd eich gwybodaeth yn cael ei throsglwyddo y tu hwnt i’r Deyrnas Unedig ond efallai y bydd rhywfaint o wybodaeth amdanoch yn cael ei chyhoeddi ar-lein, fel yr eglurir isod.
Gyda phwy y gellir rhannu eich gwybodaeth (yn fewnol ac yn allanol)?
Gallwn rannu eich gwybodaeth gyda’r cyrff canlynol, gan ddibynnu ar eich amgylchiadau. Sylwer nad yw’r rhestr hon yn cynnwys pawb:
Yn fewnol
- Gwasanaethau perthnasol y Cyngor, megis Priffyrdd a Iechyd y Cyhoedd
- Cynghorau Tref a Chymuned
- Aelodau Etholedig Lleol
- CADW ac Ymddiriedolaeth Archaeolegol Dyfed
- Llywodraeth Cymru
- Cyfoeth Naturiol Cymru
- Dŵr Cymru
- Yr Awdurdod Hedfan Sifil
- DEFRA
- Y Grid Cenedlaethol
Mae’r ddeddfwriaeth gynllunio yn mynnu ein bod yn darparu cofnod er mwyn i’r cyhoedd gael bwrw golwg arno. Bydd hwn yn cynnwys eich enw, eich cyfeiriad a gwybodaeth am eich datblygiad, ond ni fydd unrhyw ddata personol arall amdanoch. Bydd y wybodaeth hon ar gael i’r cyhoedd drwy ein gwefan.
Os byddwch yn gwrthwynebu cais cynllunio ac yn rhoi eich enw a’ch cyfeiriad, bydd y rhain yn cael eu cynnwys gyda’r wybodaeth a gyhoeddir ar ein gwefan.
Yn allanol
- Y Porth Cynllunio
- Yr Adran Cymunedau a Llywodraeth Leol
Mae sefyllfaoedd penodol eraill lle bydd yn rhaid, o bosib, inni ddatgelu gwybodaeth amdanoch, megis:
- Os bydd y Cyngor yn gorfod darparu’r wybodaeth yn ôl y gyfraith
- Os bydd yn rhaid datgelu’r wybodaeth i atal neu ddatrys trosedd
- Os bydd datgelu gwybodaeth yn allweddol er lles bywyd y person dan sylw