Hysbysiad Preifatrwydd Cofrestriadau Sifil
At ba ddibenion y byddwn ni’n defnyddio eich data personol?
Mae’r Gwasanaeth Cofrestru Sifil yn casglu gwybodaeth oddi wrth unigolion sydd o dan rwymedigaeth gyfreithiol i ddarparu gwybodaeth at ddibenion cofrestru sifil.
Bydd y wybodaeth a gasglwn amdanoch chi yn cael ei defnyddio at y diben canlynol:
- Creu a chadw cofnod cywir o enedigaethau, priodasau a marwolaethau.
Y sail gyfreithiol dros brosesu eich gwybodaeth yw:
- Cyflawni ein rhwymedigaethau yn unol â’n tasg gyhoeddus fel y nodir yn y ddeddfwriaeth ganlynol:
- Deddf Cofrestru Genedigaethau a Marwolaethau 1953
- Deddf Priodasau 1949
- Deddf Partneriaethau Sifil 2004
Beth os na fyddwch yn darparu data personol?
Mae’n rhaid i unigolion ddarparu data personol er mwyn cydymffurfio â’r ddeddfwriaeth a nodwyd uchod. Mae’n drosedd i beidio â darparu’r wybodaeth (h.y. i gofrestru genedigaeth neu farwolaeth).
Pa fath o wybodaeth ydym ni’n ei ddefnyddio?
Gallwn gasglu’r mathau canlynol o ddata personol amdanoch chi er mwyn darparu’r gwasanaeth hwn, yn dibynnu ar eich amgylchiadau:
- Enw
- Cyfeiriad
- Dyddiad Geni
- Rhywedd
- Cyfeirnod unigryw
- Rhif ffôn
- Cyfeiriad e-bost
- Manylion banc/talu
- Lluniau/ffotograffau
A ydym yn defnyddio gwybodaeth a dderbyniwyd o ffynonellau eraill?
I ddarparu’r gwasanaeth hwn, rydym yn casglu gwybodaeth yn uniongyrchol oddi wrthoch chi yn unig ac nid ydym yn derbyn gwybodaeth amdanoch chi oddi wrth unrhyw ffynhonnell arall.
Trosglwyddo eich gwybodaeth i wlad dramor
Ni chaiff eich gwybodaeth ei throsglwyddo y tu allan i’r Deyrnas Unedig.
Gyda phwy y gellir rhannu eich gwybodaeth (yn fewnol ac yn allanol)?
Yn ddibynnol ar eich amgylchiadau, efallai y byddwn ni’n rhannu eich gwybodaeth gydag asiantaethau’r llywodraeth, adrannau’r awdurdod lleol a chyrff cofrestru proffesiynol, pan fo hynny’n briodol. Gweler rhestr gynrychioliadol isod:
- Yr Adran Gwaith a Phensiynau
- Y Swyddfa Gartref (Fisâu a Mewnfudo’r Deyrnas Unedig (Mewnfudo a Gorfodi))
- Crwner Ei Fawrhydi
- Bwrdd Iechyd Prifysgol Hywel Dda
- Y Cyngor:
- Yr Adran Addysg
- Adran Treth y Cyngor
- Swyddfa Cofrestru Etholiadol
- Y Bwrdd Diogelu Lleol
- Refeniw a Budd-daliadau
Mae yna sefyllfaoedd penodol lle gall fod angen i ni ddatgelu gwybodaeth amdanoch chi, megis:
- Pan fydd hi’n ofynnol i’r Cyngor ddarparu’r wybodaeth yn ôl y gyfraith:
- Pan fydd gofyn datgelu’r wybodaeth i atal neu ganfod trosedd
- Pan fydd y datgelu o fudd hanfodol i’r person dan sylw