Gwobr Arloesedd a Thechnoleg
Mae'r wobr hon yn un newydd sbon sy’n cydnabod busnesau yng Ngheredigion sydd wedi dangos rhagoriaeth mewn arloesedd a'r defnydd creadigol o dechnoleg neu meddalwedd i ddatblygu eu busnes, eu cynnyrch, eu gwasanaethau neu eu prosesau gwaith.
Bydd y beirniaid yn chwilio am fusnesau sydd wedi mabwysiadu dulliau newydd o weithio, wedi datblygu cynhyrchion neu wasanaethau arloesol, neu wedi defnyddio technoleg i wella effeithlonrwydd, cynaliadwyedd, profiad cwsmeriaid neu dwf y busnes.
Bydd y beirniaid yn chwilio am dystiolaeth eich bod wedi:
- Datblygu cynnyrch, gwasanaeth neu broses newydd ac arloesol
- Defnyddio technoleg i wella effeithlonrwydd, cynhyrchiant neu brofiad cwsmeriaid
- Buddsoddi mewn ymchwil, datblygu neu drawsnewid digidol
- Dangos creadigrwydd wrth ddatrys heriau busnes neu ddiwydiannol
- Sicrhau twf neu effaith fesuradwy o ganlyniad i'r arloesedd
- Cyfrannu at gryfhau economi Ceredigion drwy ddatblygu sgiliau, swyddi neu gyfleoedd newydd
Cwestiynau ar gyfer y ffurflen enwebu
- Rhowch ddisgrifiad byr o'ch busnes neu fenter, gan gynnwys eich gweledigaeth a'ch strategaeth
- Beth yw dyddiad cychwyn masnachu eich busnes?
- Disgrifiwch yr arloesedd, y dechnoleg neu'r datblygiad newydd sydd wedi cael yr effaith fwyaf ar eich busnes
- Pa fanteision mesuradwy y mae'r arloesedd neu'r defnydd o dechnoleg wedi'u darparu i'ch busnes, eich cwsmeriaid neu'ch sector?
- Sut mae eich busnes yn cyfrannu at ddatblygu economi, sgiliau neu gyfleoedd yng Ngheredigion?
- Unrhyw sylwadau neu dystiolaeth ychwanegol i ategu eich cais?
Os oes gennych unrhyw gwestiynau ynglŷn â chystadlu yn y categori hwn, anfonwch e-bost at: gwobrauceredigion@technegol.co.uk.
Argymhellir eich bod yn creu ac yn cadw eich cais mewn dogfen ar wahân cyn copïo a gludo'ch ceisiadau i'r ffurflen gais isod. Bydd hyn yn rhoi mwy o hyblygrwydd i chi o ran golygu eich cais a sicrhau nad oes dim yn cael ei golli cyn ei gyflwyno.