Gwobrau Caru Ceredigion 2026
Mae Gwobrau Caru Ceredigion 2026 yn ddathliad o’r goreuon o blith ein cymunedau a’n busnesau.
Bydd Gwobrau Caru Ceredigion 2026, a gynhelir ar y 10fed o Ragfyr yng Ngwesty’r Plu, Aberaeron yn cydnabod cyfraniadau a chyflawniadau eithriadol busnesau, prosiectau cymunedol ac unigolion ar draws y sir.
Mae ceisiadau ar gyfer y gwobrau ar agor.
A hithau’n un o ardaloedd mwyaf prydferth ac unigryw’r wlad, mae gwaith gwych yn digwydd yng Ngheredigion ar hyn o bryd, a dylid dathlu hyn. Edrychwn ymlaen at gydnabod gwaith arloesol, blaengar ac ysbrydoledig ein trigolion a’n busnesau, wrth helpu i hybu ysbryd o gydweithio a balchder cymunedol.
Pob lwc!
Sut i wneud cais
Mae categorïau’r gwobrau wedi’u rhestru isod, ynghyd â disgrifiad byr. Cliciwch ar y dolenni unigol i gael rhagor o wybodaeth am y categori, yn ogystal â ffurflen gais y wobr. Gellir cyflwyno ceisiadau papur hefyd, e-bostiwch gwobrauceredigion@technegol.co.uk am ragor o wybodaeth am hyn.
Y dyddiad cau ar gyfer ceisiadau yw hanner nos, Dydd Gwener 16eg o Hydref, 2026.
I fod yn gymwys ar gyfer unrhyw gategori, rhaid i gymunedau a busnesau fod yn gweithredu neu fod â lleoliad corfforol yng Ngheredigion, gydag unrhyw weithgareddau perthnasol sy’n rhan o'ch cais wedi'u cynnal rhwng 1af o Dachwedd 2025 tan 1af o Rhagfyr 2026.
Meini Prawf y Barnwyr
Meini Prawf y Beirniaid
Newyddion Gwobrau Caru Ceredigion
Newyddion Gwobrau Caru Ceredigion
Gwobr Mudiad Cymunedol
Mae'r wobr hon yn agored i unrhyw grŵp cymunedol yng Ngheredigion fel grwpiau ieuenctid, Cynghorau Cymuned, clybiau chwaraeon, pwyllgorau neuaddau pentref, a grwpiau diddordeb sydd wedi gwneud gwahaniaeth trwy fod yn arloesol ac sydd wedi cael effaith trwy wneud pethau'n wahanol.
Gwobr Mudiad Cymunedol
Gwobr Ysbrydoliaeth Caru Ceredigion
Nôd y wobr hon yw cydnabod unigolion ifanc mewn busnes sydd wedi mynd gam ymhellach i wneud gwahaniaeth yn eu cymuned leol drwy fusnes.
Gwobr Ysbrydoliaeth Caru Ceredigion
Gwobr Digwyddiad y Flwyddyn
Mae’r wobr hon yn agored i sefydliadau/busnesau/unigolion sydd wedi trefnu digwyddiad yng Ngheredigion yn 2026 sydd wedi cael effaith ehangach ar y sir, drwy ddenu mwy o ymwelwyr i’r ardal, cael effaith economaidd gadarnhaol a chodi proffil Ceredigion.
Gwobr Digwyddiad y Flwyddyn
Gwobr Entrepreneur Ifanc
Nôd y wobr hon yw cydnabod unigolion ifanc sydd wedi dangos yr awydd i lwyddo gyda’u syniadau eu hunain ac wedi meddu ar yr uchelgais i droi’r syniadau hynny’n fusnes llwyddiannus. Mae'r wobr hon yn agored i unigolion 30 oed ac iau.
Gwobr Entrepreneur Ifanc
Gwobr Creu Dyfodol Lleol
Gwobr sy’n adlewyrchu y posibilrwydd o yrfa a ddyfodol disglair yn Ngheredigion.
Gwobr Creu Dyfodol Lleol
Gwobr Darganfod Ceredigion
Mae'r wobr hon yn agored i fusnesau Ceredigion yn y sector twristiaeth a lletygarwch sydd wedi bod yn llwyddiannus wrth hybu'r diwydiant twristiaeth yn y Sir. Mae hyn yn cynnwys ymrwymiad eithriadol i ddarparu profiad rhagorol i ymwelwyr, twristiaid neu deithwyr busnes.
Gwobr Darganfod Ceredigion
Gwobr Bwyd-Amaeth
Mae'r wobr hon yn agored i fusnesau sy'n cynhyrchu bwyd ac sy'n gweithredu yn y sector bwyd neu amaethyddiaeth yng Ngheredigion. Dylai ymgeiswyr allu dangos sut mae eu busnes wedi gwneud cyfraniad cadarnhaol at yr economi leol a/neu at y gymuned.
Gwobr Bwyd Amaeth
Gwobr Llwybr Llwyddiant
Cyflwynir y wobr hon i unigolyn sy’n dilyn prentisiaeth neu’n sy’n dilyn rhaglen o hyfforddiant gyda busnes neu sefydliad sy’n gweithredu yng Ngheredigion ac sydd wedi bod yn rhagorol ym mhob agwedd ar ei hyfforddiant. Gall hefyd gael ei gyflwyno i gwmni, gyflogwr neu sefydliad sydd yn cynnig rhaglen o hyfforddiant rhagorol neu sy’n darparu cefnogaeth i ddatblygu yn broffesiynol mewn maes neu ddiwydiant benodol.
Gwobr Llwybr Llwyddiant
Gwobr Arloesedd a Thechnoleg
Mae'r wobr hon yn un newydd sbon sy’n cydnabod busnesau yng Ngheredigion sydd wedi dangos rhagoriaeth mewn arloesedd a'r defnydd creadigol o dechnoleg neu meddalwedd i ddatblygu eu busnes, eu cynnyrch, eu gwasanaethau neu eu prosesau gwaith.
Gwobr Arloesedd a Thechnoleg
Gwobr Manwerthu
Mae'r wobr hon yn agored i fusnesau manwerthu yng Ngheredigion sy'n dangos effaith gadarnhaol ar yr amgylchedd, yr economi leol a/neu'r gymuned.
Gwobr Manwerthu
Gwobr Ceredigion a Thu Hwnt
Mae’r wobr hon yn cydnabod busnesau neu fentrau Ceredigion sydd wedi helpu i roi Ceredigion ar y map, ac sydd wedi helpu i godi proffil y sir y tu allan i Gymru.
Gwobr Ceredigion a Thu Hwnt
Gwobr Caru Ceredigion 2026
Uchafbwynt y seremoni fydd cyflwyno prif wobr Gwobrau Caru Ceredigion 2026 i'r enillydd cyffredinol o blith y categorïau amrywiol.
Gwobr Caru Ceredigion