Cludiant Hacni / Hurio Preifat
Cerbydau Dynodedig Hygyrch i Gadeiriau Olwyn
I weld ein rhestr o gerbydau hygyrch dynodedig, cliciwch yma: Cerbydau Hygyrch Dynodedig
Ymgynghoriad: Cynnydd Arfaethedig i Brisiau Tacsi yng Ngheredigion
Bydd yr ymgynghoriad hwn yn cau ar yr 8fed o Fai 2026.
Mae cwmni tacsis lleol wedi gofyn i'r Cyngor gynyddu prisiau tacsis yng Ngheredigion, gan nodi costau gweithredu cynyddol - tanwydd, cynnal a chadw, cyflogau a chostau cerbydau.
Mae gan y Cyngor ddyletswydd gyfreithiol i edrych ar geisiadau fel hyn. Nid yw Ceredigion wedi newid prisiau tacsis ers 2022, felly mae'n amser priodol i'w hadolygu.
Yr hyn a awgrymodd y cwmni tacsi
Gofynnodd y cwmni tacsi am:
· £1 ychwanegol i’w ychwanegu i’r hanner milltir cyntaf; a
- 2c ychwanegol ar gyfer 1/10th milltir ar ôl hynny.
Ar y cyfan, byddai hyn yn golygu:
· cynnydd cyfartalog o 23.7% ar draws pob pris
· y cynnydd mwyaf fyddai yn y pris cychwynnol
· byddai cyfraddau pellter yn codi 10.6%
· byddai ffioedd amser aros yn codi 32%
Mae'r cynnydd hyn yn adlewyrchu costau cynyddol a byddai'n gwneud prisiau Ceredigion yn debycach i gynghorau cyfagos fel Sir Gaerfyrddin a Gwynedd.
Sut mae Ceredigion yn cymharu'n genedlaethol
Bob mis, mae ‘Taxi Fare League Table’ yn graddio cynghorau yn ôl pris taith ddwy filltir. Gellir gweld hyn ar-lein yn https://www.phtm.co.uk/taxi-fares-league-tables.
Ar hyn o bryd mae Ceredigion yn safle 226 allan o 341 o gynghorau. Mae taith ddwy filltir yma yn costio £6.80 ar hyn o bryd. Cyfartaledd y DU yw £7.40
Pe bai'r cynnydd a awgrymwyd gan y cwmni tacsi yn cael ei dderbyn byddai taith ddwy filltir yn costio £8.25. Byddai Ceredigion yn symud i fyny i safle 64. Byddai felly’r pris drytaf yng Nghymru.
Cymhariaeth â Chynghorau Cyfagos
|
Cyngor |
Pris Cychwynnol |
Cost y filltir |
Amser aros |
Adolygiad diwethaf |
|
Ceredigion (presennol) |
£3.50 (½ milltir cyntaf) |
£2.20 |
£0.25 |
2022 |
|
Sir Gâr |
£4.50 (milltir cyntaf) |
£2.50 |
£0.30 |
2023 |
|
Sir Benfro |
£4.00 (milltir cyntaf) |
£3.00 |
£0.42 |
2022 |
|
Powys |
£4.00 (milltir cyntaf) |
£2.00 |
£0.20 |
2022 |
Pwysau Costau Byw a Gweithredu
Mae prisiau cyfartalog tanwydd wedi gostwng ers 2022 (Yn gywir ar 12fed Chwefror 2026):
- Petrol: o £1.65 i £1.35
- Disel: o £1.79 i £1.43
Ond mae costau eraill wedi codi:
- Mae chwyddiant cyffredinol wedi cynyddu 13.9%
- Mae yswiriant ar gyfer tacsis yn ddrud — fel arfer rhwng £1,800 i £4,500+
Beth ddywedodd gyrwyr tacsi lleol
Anfonwyd arolwg at yr holl yrwyr a gweithredwyr tacsi yng Ngheredigion:
- gwahoddwyd 275 (265 ar-lein a 10 papur).
- ymatebodd 50.
Dangosodd yr adborth fod:
- 88% o blaid codi’r pris.
- O’r rheiny oedd o blaid, roedd 44.7% eisiau cynnydd o oddeutu 10%.
- Nododd gyrwyr bod costau’n cynyddu ond nid yw enillion yn cadw i fyny.
- Mae rhai gyrwyr yn ennill yn agos at yr isafswm cyflog hyd yn oed wrth weithio oriau hir.
- Mae llawer yn teimlo bod angen cynnydd mewn prisiau fel y gall gyrwyr aros yn y fasnach, cynnal a chadw eu cerbydau, a chynnig gwasanaeth diogel a dibynadwy.
- Roedd nifer fach o yrwyr yn poeni am gostau i deithwyr agored i niwed, ond roedd y mwyafrif yn teimlo bod y cynnydd yn angenrheidiol.
Argymhelliad y Cyngor
Pan gyfarfu'r Pwyllgor Trwyddedu ar 12 Chwefror 2026, awgrymwyd cynnydd o 7% yn hytrach na'r codiadau uwch y gofynnwyd amdanynt. Fe wnaethant hefyd argymell ymgynghoriad cyhoeddus i gasglu barn ehangach.
Enghraifft o'r cynnydd o 7% (wedi’i symleiddio)
|
Tariff |
½ Milltir Cyntaf Presennol |
Cynnydd 7% i’r ½ Milltir Cyntaf |
Fesul 1/10 milltir ar hyn o bryd |
Cynnydd o 7% Fesul 1/10 milltir |
|
1 |
£3.50 |
£3.70 |
£0.22 |
£0.25 |
|
2 |
£4.00 |
£4.20 |
£0.25 |
£0.25 |
|
3 |
£4.00 |
£4.20 |
£0.28 |
£0.30 |
|
4 |
£6.00 |
£6.40 |
£0.37 |
£0.40 |
|
5 |
£4.00 |
£4.20 |
£0.31 |
£0.35 |
|
6 |
£5.00 |
£5.30 |
£0.37 |
£0.40 |
|
7 |
£7.00 |
£7.40 |
£0.49 |
£0.50 |
|
Waiting Time |
£0.25 |
£0.25 |
— |
— |
|
Extra Charges (optional) |
Presennol |
Cynnydd 7% |
— |
|
|
Casys |
£1.00 |
£1.05 |
— |
|
|
Cistiau |
£1.50 |
£1.60 |
— |
|
|
Baeddu |
£100.00 |
£107.00 |
— |
|
Sut i roi eich barn i ni
Gallwch wneud sylwadau ar y cynnydd arfaethedig o 7% drwy:
lenwi'r holiadur ar-lein: Ymgynghoriad – Cynnydd Arfaethedig yn Nhariffau Ffïoedd Tacsi yng Ngheredigion – (Mae opsiwn i newid y ffurflen i’ch dewis iaith ar gael yn y gornel dde uchaf ar ôl agor y ddolen)
lawrlwytho copi o'r cwestiynau: Fersiwn Cymraeg neu Fersiwn Saesneg
Gallwch hefyd gasglu copi papur o'r pecyn arolwg o'ch Llyfrgell neu Ganolfan Hamdden leol, drwy ffonio 01545 570881 neu anfon e-bost at clic@ceredigion.gov.uk.
Diogelu data
Darllenwch sut mae'r Cyngor yn trin data a gesglir drwy ymgynghoriadau - Hysbysiad Preifatrwydd Ymgynghoriadau.
Beth sy'n digwydd nesaf?
Bydd ymatebion i'r ymgynghoriad hwn yn cael eu dadansoddi a'u cyflwyno i bwyllgor trwyddedu'r Cyngor ar gyfer penderfyniad terfynol.
Gallwch ddarllen mwy am y pwyllgor trwyddedu yma - Cyngor Sir Ceredigion
Hyffordddiant Ymwybyddiaeth o Hunanladdiad - Rhifyn Gyrrwr Tacsi:
Isod mae dolen I hyfforddiant ymwybyddiaeth o hunanladdiad am ddim I yrwyr tacsi.
Wedi'i ddatblygu gyda chymorth gan yrwyr tacsis ac 16 awdurdod lleol. Mae’n rhannu gwybodaeth am hunanladdiad ac yn eich hyfforddi trwy senario sy’n ymwneud â gyrrwr tacsi a theithwyr i’ch helpu i adnabod arwyddion o ymddygiad hunanladdol a chael sgwrs â rhywun y gallech fod yn poeni amdano. Mae'r cwrs hwn wedi'i ddatblygu ar gyfer gyrwyr tacsis a hurio preifat ac mae'n cymryd tua 10 munud i'w gwblhau. Nod y cwrs hyfforddi hwn yw cefnogi gyrwyr i: Ddeall hunanladdiad yn well, Adnabod yr arwyddion y gall teithiwr fod yn cael trafferth gyda meddyliau hunanladdol, Cydnabod pwysigrwydd bod yn uniongyrchol wrth ofyn i rywun sut maen nhw'n teimlo, Sut i siarad â rhywun sy'n poeni amdano, Cyfeirio teithwyr at sefydliadau a all eu cefnogi.
Ewch i'r hyfforddiant yma Hyfforddiant Ymwybyddiaeth o Hunanladdiad: Suicide Awareness Training - taxi driver edition :: Zero Suicide Alliance
Beth i’w ddisgwyl o’r fasnach tacsi a beth y mae’r fasnach tacsi yn ei ddisgwyl oddi wrthych chi
Bydd y gyrrwr yn:
- Gyrru gyda gofal a chwrteisi tuag at deithwyr a gyrwyr eraill.
- Defnyddio’r mesurydd teithio o fewn yr ardal drwyddedig, heblaw bod y teithiwr wedi cytuno i logi ar amser penodol, a’i fod yn llai na phris siwrnai.
- Os yn defnyddio mesurydd teithio, peidio dechrau’r mesurydd tan fod y teithiwr wedi eistedd yn y cerbyd.
- Os yn teithio tu allan i’r ardal drwyddedig, cytuno ar bris y daith o flaen llaw. Os nad oes pris taith wedi’i drafod o flaen llaw ar gyfer y daith sy’n mynd y tu hwnt i’r ardal drwyddedig, yna mae’n rhaid i’r gyrrwr ddefnyddio’r mesurydd teithio
- Cymryd y ffordd fwyaf effeithlon, gan ystyried problemau traffig posibl ac adnabod gwyriadau eraill, ac egluro unrhyw wyriad o’r ffordd fwyaf uniongyrchol.
Bydd y teithiwr yn:
- Trin y cerbyd a'r gyrrwr gyda pharch ac yn ufuddhau i unrhyw hysbysiadau swyddogol (er enghraifft, mewn perthynas â bwyta neu yfed yn y cerbyd).
- Sicrhau fod ganddyn nhw'r modd i dalu am y daith cyn teithio. Os ydych yn dymuno talu gyda cherdyn credyd neu ddebyd neu i stopio ar y ffordd i ddefnyddio peiriant arian parod, gwiriwch gyda'r gyrrwr cyn cychwyn.
- Bod yn ymwybodol o'r pris ar y mesurydd a hysbysu’r gyrrwr os yw'n agosáu at derfyn adnoddau ariannol y teithiwr.
- Bod yn ymwybodol bod y gyrrwr yn debygol o gael ei gyfyngu gan reoliadau traffig mewn perthynas â lle y gall stopio'r cerbyd.
Yr hyn y gallwch ei ddisgwyl gan yrrwr y cerbyd hurio preifat a'r hyn y gall y gyrrwr cerbyd hurio preifat ei ddisgwyl gennych chi
Bydd y gyrrwr yn:
- Sicrhau fod y teithiwr wedi archebu ymlaen llaw a'i fod yn ymwybodol o'r pris sydd wedi’i amcangyfrif cyn cychwyn.
- Gyrru’n ofalus a bod yn gwrtais tuag at deithiwr a defnyddwyr eraill y ffordd.
- Cymryd y llwybr mwyaf effeithlon o ran amser, gan ystyried unrhyw broblemau traffig tebygol a gwyriadau posibl, ac eglurwch os gofynnir am unrhyw wyriad o'r llwybr mwyaf uniongyrchol.
Bydd y teithiwr yn:
- Trin y cerbyd a'r gyrrwr gyda pharch ac yn ufuddhau i unrhyw hysbysiadau (er enghraifft, mewn perthynas â bwyta neu yfed yn y cerbyd).
- Sicrhau fod ganddyn nhw'r modd i dalu am y daith cyn teithio. Os ydych yn dymuno talu gyda cherdyn credyd neu gerdyn debyd neu i stopio ar y ffordd i ddefnyddio peiriant arian parod, gwiriwch gyda'r gyrrwr cyn cychwyn.
Bod yn ymwybodol bod y gyrrwr yn debygol o gael ei gyfyngu gan reoliadau traffig mewn perthynas â lle y gall stopio'r cerbyd.
Er sylw pob gyrrwr Tacsi
Os ydych yn yrrwr tacsi, yn yrrwr neu'n weithredwr cerbyd hurio preifat, bydd angen i chi gwblhau gwiriad treth gyflym pan fyddwch yn adnewyddu eich trwydded o fis Ebrill 2022.
Tariff Sir Ceredigion
Isod mae'r tabl prisiau a osodir gan Gyngor Sir Ceredigion.
Yn unol ag Adran 65 o'r Ddeddf Llywodraeth Leol (Darpariaethau Amrywiol) 1976, caiff awdurdod lleol bennu ac amrywio’r cyfraddau neu’r prisiau o fewn ei ardal a’r holl daliadau eraill sy’n gysylltiedig â hurio cerbyd hacni. Ni ellir codi tâl sy'n fwy na'r swm a ddangosir.
Diogelu
Gallwch wylio fideo fer ar ddiogelu ar y ddolen ganlynol
https://vimeo.com/369336842/e0b3bcd9e3
Mae amddiffyn pobl fregus yn fusnes i bawb
CLYW | GWELER | DWEUD
Helpwch i ddiogelu pobl sy'n agored i niwed trwy riportio arwyddion i'w hatal a'u hamddiffyn rhag esgeulustod a chamdriniaeth.
- Gall Arwyddion Esgeulustod gynnwys amodau byw gwael, newidiadau mewn ymddangosiad, ymddangosiad blêr, dillad budr.
- Gall arwyddion o Gam-drin fod yn gorfforol fel cleisiau, toriadau neu losgiadau, newidiadau mewn ymddygiad neu bersonoliaeth, tynnu'n ôl o'r gymdeithas neu deulu a ffrindiau.
- Gall arwyddion Camfanteisio Rhywiol ar Blant gynnwys gwneud siwrneiau rheolaidd ar eu pennau eu hunain i westai neu lety gwely a brecwast, derbyn anrhegion fel dillad newydd, ffonau symudol, hongian o gwmpas neu deithio gyda gwahanol oedolion, dod yn ôl neu ynysu.
Meddyliwch hefyd am arwyddion: Trais domestig, masnachu mewn pobl, caethwasiaeth fodern, anffurfio organau cenhedlu benywod, priodasau dan orfod.
Byddwch yn llygaid a chlustiau'r gymuned!
Os ydych chi'n gweld arwyddion lle mae risg, bygythiad neu berygl ar unwaith, ffoniwch yr Heddlu ar 999 Os ydych chi'n gweld unrhyw arwyddion o esgeulustod neu gam-drin emosiynol, corfforol, rhywiol a / neu ariannol, os yw'r peth lleiaf yn eich poeni, rhowch wybod amdano.
GYRRWYR TACSI: CHI yw llygaid a chlustiau EICH Cymuned. Peidiwch â'i anwybyddu, Riportiwch ef.
Manylion cyswllt
Os ydych chi'n dyst i blentyn neu oedolyn sydd mewn perygl o niwed ar unwaith, ffoniwch yr Heddlu ar 999
Os ydych chi'n gweld arwyddion o gam-drin neu esgeulustod cysylltwch â:
| Porth Gofal | 01545 574000 |
| Y Tu Allan i Oriau: Tîm Dyletswydd Brys | 0845 6015392 |
Os yw'n ddiogel - cynigiwch rif llinell gymorth cam-drin domestig “Live Fear Free” ..… 0808 8010800