Ceredigion County Council

Diweddariad 14/07/2022

Gall y Cyngor gadarnhau bod Y Swyddfa Bost bellach wedi cyhoeddi pob un o'r 8708* o dalebau Costau Byw gwerth £150 i drigolion cymwys sy’n etholadwy yn y prif gynllun.

Mae manylion llawn y cynllun a meini prawf cymhwysedd are gael ar:

Y Cynllun Cymorth Costau Byw: canllaw i awdurdodau lleol

Peidiwch â dinistrio’r llythyr gan y bydd ei angen arnoch i gasglu eich taliad arian parod o Swyddfa’r Bost ynghyd â phrawf adnabod fel y rhestrir yn y llythyr.

Byddem yn annog y trigolion cymwys hynny sydd wedi derbyn llythyr i gasglu eu taliad arian parod o £150 gan Y Swyddfa Bost cyn gynted â phosibl gan y bydd y daleb yn dod i ben fis ar ôl y dyddiad cyhoeddi.

I’r rhai sy’n cael trafferth casglu’r taliad o £150 efallai** y bydd modd i rywun fynd i Swyddfa’r Bost ar eich rhan e.e. aelod o’r teulu, cymydog, gofalwr.  Bydd angen eich llythyr swyddogol arnynt ynghyd â’ch prawf adnabod.  Sylwch fod gofyn i rywun gasglu’r £150 ar eich rhan yn cael ei wneud ar eich menter eich hunan, na all y Cyngor fod yn gyfrifol am unrhyw daliad sy’n cael ei gamddefnyddio.

** Mae Swyddfa’r Bost wedi cadarnhau mai’r Postfeistr unigol sy’n penderfynu’n derfynol i gyfnewid y daleb am arian.  Os bydd eich cynrychiolydd yr ymddiriedir ynddo yn ei chael hi’n anodd cyfnewid eich taleb mewn Swyddfa Bost benodol, yna cysylltwch â’r Cyngor yn Revenues@ceredigion.gov.uk neu 01545 570881.

Os ydych yn gymwys am y taliad £150 a heb dderbyn eich llythyr erbyn 19.07.2022, cysylltwch â’r Cyngor ar Revenues@ceredigion.gov.uk neu 01545 570881.

Diweddariad 24/06/2022

Gall y Cyngor nawr gadarnhau, o 27/06/2022 ymlaen, y bydd llythyrau taleb talu Swyddfa’r Post yn cael eu hanfon i’r 8708 o drigolion cymwys sy’n weddill yn y prif gynllun Costau Byw gwerth £150. Oherwydd natur y cynllun anfonir y llythyrau mewn sypiau dros y pythefnos nesaf – 27/06/2022 i 08/07/2022.

Bydd y trigolion cymwys hynny yn derbyn llythyr drwy’r post gyda chod bar taleb i’w gyflwyno mewn unrhyw gangen o Swyddfa’r Post, ynghyd â phrawf adnabod fel y rhestrir yn y llythyr.

Peidiwch â dinistrio’r llythyr hwn gan y bydd ei angen arnoch i gasglu eich taliad arian parod o Swyddfa’r Post. Dim ond unwaith y gellir cyfnewid y daleb am arian a bydd yn dod i ben fis ar ôl y dyddiad cyhoeddi.

Ymddiheurwn am yr oedi cyn rhoi’r taliad a diolch am eich amynedd yn ystod yr amser hwn.

Taliadau Cymorth Costau Byw

Cyhoeddodd Llywodraeth Cymru y bydd taliad cymorth costau byw o £150 yn cael ei roi i:

• bob aelwyd sy’n byw mewn eiddo yn y bandiau treth gyngor A-D; a
• pob aelwyd sy’n gymwys ar gyfer Cynllun Gostyngiadau’r Dreth Gyngor – ac sy’n byw mewn eiddo yn y bandiau treth gyngor A-I.

Mae manylion y cynllun ar gael ar dudalen Cynllun Cymorth Costau Byw: canllaw i awdurdodau lleol ar wefan Llywodraeth Cymru.

Bydd Cynllun yn ôl Disgresiwn hefyd yn cael ei sefydlu er mwyn cefnogi aelwydydd eraill a allai fod yn ei chael hi’n anodd cael deupen llinyn ynghyd ond nad ydynt yn bodloni’r meini prawf uchod.

Bydd rhagor o wybodaeth am y Cynllun Dewisol ar gael maes o law.

Byddwch yn wyliadwrus o e-byst neu negeseuon testun o ffynonellau amheus  sy’n cynnig gwybodaeth am y cynllun. Yn aml, sgamiwyr yw’r rhain sy’n ceisio dwyn eich gwybodaeth.