Diweddariadau i’r Gwasanaeth Casglu Gwastraff
Yn anffodus ond yn anochel, mae amrywiaeth o faterion yn gallu effeithio ar ein gallu i ddarparu gwasanaethau casglu gwastraff. Mae’r rhain yn cynnwys bod y staff a’r cerbydau ar gael a hefyd anawsterau o ran mynediad.
Rydym yn ymddiheuro’n ddiffuant pan fydd amharu ar y gwasanaethau ac yn ceisio ymateb cyn gynted â phosib.
Mae’r gwasanaeth casglu gwastraff yn cael ei ddarparu rhwng 8yb a 4yp, fodd bynnag ceir adegau lle byddwn yn gweithio tu allan i’r oriau hyn. Felly, peidiwch â riportio fod eich bin heb gael ei gasglu tan y diwrnod ar ôl eich diwrnod casglu rheolaidd.
Hoffem ddiolch i'n preswylwyr am eu dealltwriaeth a'u cefnogaeth barhaus ar yr adeg arbennig o heriol hon.
Diolch.
Dewch yn ôl ar gyfer y diweddaraf
Oherwydd y Pencampwriaeth Beicio sy’n cael ei chynnal yng Ngheredigion dydd Iau, 26 Mehefin 2925, bydd casgliadau gwastraff ar gyfer llwybrau 128 (Ciliau Aeron) a 129 (Derwen Gam) yn cael eu heffeithio.
Er mwyn lleihau tarfu, bydd y criwiau casglu yn dechrau gweithio’n gynnar am 6:00 y bore dydd Iau i gasglu unrhyw wastraff sydd eisoes wedi’i roi allan gan breswylwyr.
Sylwer: bydd unrhyw wastraff nad yw wedi’i gyflwyno cyn 8:00 y bore dydd Iau yn cael ei gasglu dydd Gwener, 27 Mehefin 2025. Rydym yn gwerthfawrogi eich cydweithrediad a’ch dealltwriaeth.