Storm Austen: rhybudd am wyntoedd cryf
Mae rhybuddion melyn wedi’u cyhoeddi am wyntoedd cryf ddydd Gwener, 23 Hydref hyd at 9 yh, gyda rhybuddion pellach mewn grym dros y penwythnos.
Mae gan y gwyntoedd cryfion, ynghyd â chyfnodau o law trwm, y potensial i achosi aflonyddwch. Mae’r gatiau llanw ar arfordir Aberaeron wedi’u cau ar gyfer y ddwy storm a enwir, sef Storm Austen a Storm Boelo.
Anogir trigolion i:
- gymryd gofal ychwanegol wrth deithio a gwirio’r amodau cyn cychwyn ar daith;
- cadw draw o ardaloedd arfordirol agored yn ystod cyfnodau o wyntoedd cryf;
- cymryd gofal arbennig o amgylch coed a strwythurau a allai gael eu heffeithio gan wyntoedd cryf;
- cadw golwg ar y rhagolygon a’r rhybuddion tywydd diweddaraf.
Mae ein criwiau’n ymateb i nifer uchel o adroddiadau am goed sydd wedi cwympo a malurion mewn amodau heriol. Bydd digwyddiadau’n cael eu blaenoriaethu yn ôl lefel y risg a’r adnoddau sydd ar gael, gan sicrhau diogelwch ein criwiau.
Dylai trigolion barhau i gadw golwg ar rybuddion diweddaraf y Swyddfa Dywydd wrth i Storm Austen a Storm Boelo ddatblygu: Y Swyddfa Dywydd.
Bydd rhagor o wybodaeth am y sefyllfa yn cael ei chyhoeddi ar wefan Cyngor Sir Ceredigion, ac ar holl sianeli cyfryngau cymdeithasol y Cyngor.
23/10/2026