Ceredigion County Council website

Mae'r ymgynghoriad, sy'n rhedeg tan 14 Ionawr 2026, yn ceisio adborth ar y Polisi Drôn drafft, wrth i wasanaethau cyhoeddus archwilio offer newydd i fynd i'r afael ag ymddygiad gwrthgymdeithasol a gwella ymateb brys.

Gall dronau helpu i fonitro ardaloedd problemus, cefnogi archwiliadau, casglu tystiolaeth yn ddiogel, a gwella effeithlonrwydd gwasanaethau lleol. Ar yr un pryd, mae eu defnydd yn codi cwestiynau pwysig am breifatrwydd, trin data a chyfrifoldeb cyhoeddus.

Mae’r ymgynghoriad yn gofyn i breswylwyr sut, pryd a ble y dylid defnyddio dronau, a pha fesurau diogelu sydd eu hangen i sicrhau defnydd cyfrifol.

Dywedodd y Cynghorydd Matthew Vaux, Aelod Cabinet dros Bartneriaethau, Tai, Cyfreithiol a Llywodraethu a Diogelu'r Cyhoedd: “Gall dronau fod yn offeryn gwerthfawr wrth wella diogelwch y cyhoedd a chefnogi arolygiadau, ond rydym yn deall bod tryloywder, ymddiriedaeth a mesurau diogelwch i'r cyhoedd yn hanfodol. Mae'r ymgynghoriad hwn yn ymwneud yn benodol â'r polisi drafft ac yn rhoi'r cyfle i chi lunio ei gynnwys cyn gwneud unrhyw benderfyniadau terfynol. Mae yna hefyd fanteision cost ac effeithlonrwydd posibl mewn meysydd eraill, fel arolygu ac archwiliadau strwythurol.”

Anogir preswylwyr i rannu eu barn ar:

• Pryd a ble y dylid defnyddio dronau
• Sut y dylid storio a defnyddio data a gesglir gan dronau
• Pa fesurau diogelu sydd eu hangen i sicrhau preifatrwydd

Bydd yr adborth a gesglir yn helpu i lunio'r polisi terfynol a sicrhau bod unrhyw gyflwyniad o dronau yn gymesur, yn angenrheidiol ac yn dryloyw.

Rydym am weithio gyda’n cymunedau i gynllunio dulliau cyfrifol a moesegol o’r cychwyn cyntaf. Bydd eich barn yn dylanwadu’n uniongyrchol ar sut y caiff y dechnoleg hon ei defnyddio’n lleol.

Sut i gymryd rhan:

• Cwblhewch yr arolwg ar-lein yma.
• Gallwch hefyd anfon e-bost gyda eich barn i partnerships@ceredigion.gov.uk
• Mae ffurflenni adborth papur ar gael yn llyfrgelloedd lleol ac ym meysydd derbyn y Cyngor

03/12/2025