Cynnydd mewn Prisiau Olew
Oherwydd y gwrthdaro yn y Dwyrain Canol, mae prisiau olew yn ansicr ac mae llawer o bobl sy'n defnyddio olew i wresogi eu cartrefi yn ei chael hi'n anodd fforddio.
Mae Llywodraeth y DU wedi rhoi £3.8 miliwn i Lywodraeth Cymru i helpu aelwydydd yng Nghymru sy'n dibynnu ar olew gwresogi.
Mae 2 ffordd o gael cefnogaeth.
Mae Cyngor Sir Ceredigion yn gweinyddu'r cynllun hwn ar ran Llywodraeth Cymru.
Os ydych wedi derbyn e-bost neu lythyr gan wasanaeth Refeniw a Budd-daliadau Cyngor Sir Ceredigion am y cynllun, llenwch y ffurflen hon i hawlio:
Llenwch y ffurflen: eforms.ceredigion.gov.uk/ctrsheating/
Os ydych chi'n cael trafferth gyda ffurflenni ar-lein, gallwch galw heibio i'ch llyfrgell leol a gofyn i aelod o staff am gymorth.
Nid wyf wedi derbyn llythyr
Os nad ydych wedi derbyn llythyr gan wasanaeth Refeniw a Budd-daliadau Cyngor Sir Ceredigion ond rydych chi'n bodloni'r ddau faen prawf cymhwystra canlynol, sef eich bod chi yn:
- Defnyddio olew gwresogi neu LPG (nwy petroliwm hylifol) fel eich prif ffynhonnell gwresogi/dŵr poeth, ac yn
- Derbyn cymorth Cynllun Gostyngiadau'r Dreth Gyngor rhwng 1 Ebrill 2026 a 31 Gorffennaf 2026
Cysylltwch â'r Cyngor ar 01545 570881 neu clic@ceredigion.gov.uk gyda'ch rhif Treth Gyngor.
Gallwch ddod o hyd i'ch rhif Treth Gyngor ar lythyrau neu negeseuon e-bost rydych wedi'u derbyn gan y Cyngor ynghylch eich Treth Gyngor.
Cronfa Cymorth Dewisol
Mae gan Gymru eisoes gefnogaeth i bobl sydd oddi ar y grid ac sy'n cael trafferth gyda chostau tanwydd drwy'r Gronfa Cymorth yn ôl Disgresiwn (DAF). Mae Llywodraeth Cymru wedi gwneud y canlynol dros dro:
- Cynyddu'r swm y gallwch ei gael am olew gwresogi i £750 y dyfarniad
- Cynyddu pa mor aml y gallwch chi gael yr help hwn: ddwywaith mewn 12 mis, yn hytrach nag unwaith
Pwysig: Rhaid i unrhyw un sy'n gwneud cais dangos does ganddyn nhw ddim arian arall, er enghraifft cynilion, a rhaid i bob cais ddod gan Bartner a Gymeradwywyd. Rhaid bod o leiaf 3 mis rhwng dyfarniadau.
Er mwyn cael help, rhaid eich bod:
- yn wynebu caledi ariannol difrifol, er enghraifft eich bod wedi colli eich swydd, wedi gwneud cais am fudd-daliadau ac yn aros am eich taliad cyntaf - ac nad oes gennych unrhyw fodd arall o gael cymorth ariannol
- yn profi argyfwng annisgwyl sy’n golygu nad oes gennych arian i brynu bwyd, nwy a/neu drydan, neu eitemau hanfodol eraill
- mewn sefyllfa o argyfwng ac angen cefnogaeth ariannol ar unwaith
- yn byw yng Nghymru
- dros 16 oed (nid oes terfyn oedran uchaf ar gyfer y grant hwn)
- heb unrhyw arian arall, er enghraifft cynilion
Partneriaid a Gymeradwywyd yng Ngheredigion:
Cyngor ar Bopeth Ceredigion
Wefan: Pris olew yn codi: beth i'w wneud?
Ffôn: 01239 621974 neu 01970 612817
Cymdeithas Gofal
Wefan: Cymdeithas Gofal - Gwasanaethau Digartrefedd a Chymorth
Ffôn: 0300 140025
Cyngor Sir Ceredigion (ar gyfer teuluoedd sy'n hysbys i'r tîm Rhianta a Theulu)
Wefan: Cymorth Rhianta a Teulu
Ffôn: 01545 570881
Cymdeithas Tai Barcud (ar gyfer tenantiaid Barcud)
Wefan: Cymdeithas Tai Barcud - Hafan
Ffôn: 0300 1113030
Grŵp Codi (Pobl yn flaenorol)
Wefan: Camfan Llanbedr Pont Steffan
Ffôn: 01570 421190
Cymorth a chefnogaeth bellach
Angoir pobl sy'n poeni am arian neu gostau ynni i gysylltu â llinell gymorth "Hawlia dy Arian" AdviceLink Cymru.
Rhif Ffôn am ddim: 0800 7022020
Mae'r llinell cymorth ar gael rhwng 8yb a 7yh o ddydd Llun i ddydd Gwener a dydd Sadwrn 9yb a 1yh.
Gallant wirio a oes gennych hawl i fudd-daliadau, pensiynau, cymorth gyda chostau gofal, neu ostyngiadau treth y cyngor. Ers 2020, mae'r gwasanaeth hwn wedi helpu pobl i gael mynediad at dros £10.5 miliwn mewn cymorth.