Caru'ch Cymuned 2025
Mae ceisiadau ar agor ar gyfer categori newydd yng Ngwobrau Caru Ceredigion 2025.
Bydd gwobrau Caru'ch Cymuned yn cydnabod ac yn dathlu gwaith cymunedol trefi a phentrefi ledled Ceredigion wrth gadw eu cymuned yn daclus, trefnu digwyddiadau a darparu gwasanaethau i bobl yr ardal. Mae cymunedau mawr a bach yn cael eu hannog i gyflwyno cais drwy lanw’r ffurflen datgan diddordeb.
Nod ymgyrch Caru'ch Cymuned yw meithrin a dathlu ymdeimlad o falchder mewn cymunedau ledled y sir, tra'n annog pobl i gymryd rhan mewn gweithgareddau a mentrau sy'n gwella'r amgylchedd, cefnogi busnesau lleol, a chryfhau cydlyniant a gwytnwch cymunedol.
Mae tri chategori yn y gystadleuaeth ar gyfer Gwobrau 2025.
| Pentref bach | Pentrefi sydd â llai na 5 o gyfleusterau |
|---|---|
| Pentref | Pentrefi unigol, ardal benodol o fewn ardal Cymuned neu Gyngor Tref sydd â 5 neu fwy o gyfleusterau |
| Tref | Trefi Aberaeron, Aberteifi, Aberystwyth, Cei Newydd, Llanbedr Pont Steffan, Llandysul a Thregaron yn unig. h.y. trefi sydd â chynllun tref |
Mae'n ofynnol i ymgeiswyr gyflwyno'r Ffurflen Mynegi Diddordeb cyn cyflwyno Ffurflen Gais Lawn.
Y dyddiad cau i gyflwyno'r Ffurflen Mynegi Diddordeb yw Dydd Llun, 7fed o Orffennaf 2025 am 23:59.
Y dyddiad cau i gyflwyno'r Ffurflen Gais Lawn yw Dydd Llun, 8fed o Fedi 2025 am 23:59. Cofiwch ddarllen y Canllawiau cyn cychwyn gweithio ar y Ffurflen Gais Lawn.
Cynhelir y beirniadu ym mis Medi a Hydref 2025 gan banel o feirniaid arbenigol gyda'r rhestr fer yn cael ei chyhoeddi cyn i'r enillwyr gael eu datgelu yn y seremoni ar 11eg o Ragfyr 2025.
Os oes gan ymgeiswyr unrhyw ymholiad yn ystod y broses, cysylltwch â thîm Cynnal y Cardi drwy e-bost at ce.cynnalycardi@ceredigion.gov.uk.
