Mae'r canlyniadau TGAU a gyhoeddwyd heddiw (23 Awst) gan CBAC yn dangos bod ysgolion Ceredigion yn parhau i gynnal safonau eithriadol o uchel.
Derbyniodd 98.5% o'r ymgeiswyr a safodd arholiadau CBAC graddau A* i G, gyda 23.6% ohonynt yn ennill graddau A* ac A, a 71.6% yn ennill graddau A*- C.
Dywedodd y Cynghorydd Catrin Miles, yr Aelod Cabinet â chyfrifoldeb am Wasanaethau Dysgu, “Unwaith eto, rydym yn falch iawn o gyrhaeddiad ein disgyblion yn eu harholiadau TGAU. Mewn cyfnod o newidiadau sylweddol ac arwyddocaol mae ein diolch di-ffuant i rieni, gofalwyr, llywodraethwyr a staff sydd wedi annog a chefnogi’r disgyblion. Dymunwn bob llwyddiant i’n pobl ifanc gyflawni o’u gorau yn eu amryw lwybrau .”
Dyma'r tabl isod yn dangos ffigyrau ar gyfer Ceredigion a Chymru:
|
Ceredigion |
Cymru |
Gradd A*- A |
23.6% |
18.5% |
Gradd A*- C |
71.6% |
61.6% |
Gradd A*- G |
98.5% |
96.4% |
O gymharu â’r cyfartaledd ledled Cymru, ennillwyd gan ymgeiswyr Ceredigion 5% yn fwy o raddau A*-A a 10% yn fwy o raddau A*-C.
23/08/2018