Ceredigion County Council website

Cynnwys

• Rhagair
• Yr Agenda Cenedlaethol a Ffactorau Allanol
• “Ceredigion sy’n hyderus yn ddigidol”
• Creu Strategaeth
• Ein Colofnau Strategol
• Rydym yn darparu gwasanaethau
• Sefydliad Digidol
• Trigolion Digidol
• Cymunedau Digidol
• Y Trefniadau Llywodraethu a Chyflawni Arfaethedig

Rhagair

Yr Agenda Cenedlaethol a Ffactorau Allanol

Mae amrywiaeth eang o ffactorau allanol a mewnol wedi dylanwadu ar ddatblygiad y strategaeth hon. Rydym wedi dadansoddi ein cryfderau a’n gwendidau, cynnal adolygiadau allanol ac ymchwilio i’n haeddfedrwydd ym maes data a thechnoleg ddigidol. Rydym wedi ystyried strategaethau cenedlaethol a lleol ac rydym wedi gofyn am farn a chyngor y sefydliadau sy’n bartneriaid i ni.

Rydym wedi dysgu llawer oddi wrth sefydliadau sydd â phrofiad helaeth yn y maes hwn megis Y Gymdeithas Arloesi, Technoleg a Moderneiddio (SOCITM), Cymdeithas Llywodraeth Leol Cymru, Gwasanaeth Digidol Llywodraeth y Deyrnas Unedig a’r Ganolfan Gwasanaethau Cyhoeddus Digidol ymhlith eraill, ond rhaid i ni hefyd dderbyn yr heriau ariannol anodd yr ydym yn eu hwynebu gan gofio mai prin yw’r adnoddau sydd ar gael i gyflawni newid.

Byddwn yn gofyn am adborth ffurfiol drwy ymgynghoriad cyhoeddus. Bydd hyn yn ein helpu i sicrhau ein bod yn ystyried anghenion y gymuned gyfan.

Mae gan Fwrdd Tyfu Canolbarth Cymru weledigaeth ar gyfer Canolbarth Cymru sy’n nodi ei fod am weld:

Ymhlith y polisïau allweddol sydd wedi dylanwadu ar y strategaeth hon y mae’r canlynol:

• Strategaeth Gorfforaethol Cyngor Ceredigion ar gyfer 2022-2027
• Strategaeth ddigidol i Gymru a’r 6 Chenhadaeth
  • gwasanaethau digidol
  • cynhwysiant digidol
  • sgiliau digidol
  • yr economi digidol
  • cysylltedd digidol
  • data a chydweithredu
• Llesiant Cenedlaethau’r Dyfodol
• Gwasanaeth Digidol Llywodraeth y DU
• Strategaeth Gofal a Alluogir gan Dechnoleg
• Strategaeth Ddigidol Hywel Dda

“Ceredigion sy’n hyderus yn ddigidol”

Ein gweledigaeth: sir sy’n hyderus i ddatblygu, arloesi a darparu gwasanaethau digidol mewn partneriaeth â chymunedau sy’n gysylltiedig, sydd wedi’u hymgysylltu ac sy’n barod i elwa ohonyn nhw.

Bwriad ein strategaeth yw cyflawni’r datganiad hwn o weledigaeth, cefnogi’r cenadaethau digidol cenedlaethol a chynorthwyo Ceredigion i gyflawni ein 4 amcan corfforaethol.

• Hybu’r economi, cefnogi busnesau a galluogi cyflogaeth
• Creu cymunedau gofalgar ac iach
• Darparu’r dechrau gorau mewn bywyd a galluogi pobl o bob oed i ddysgu
• Creu cymunedau cynaliadwy a gwyrdd sydd wedi’u cysylltu’n dda â’i gilydd

Yn unol â’n gweledigaeth, bydd technoleg ddigidol yn cael ei hymgorffori ar draws yr holl wasanaethau a strategaethau i sicrhau ein bod yn medru darparu gwasanaethau arloesol ac effeithlon i bawb. Byddwn yn cyflawni’r amcanion canlynol:

• Datblygu gweithlu sy’n hyderus ac yn fedrus yn ddigidol ac sy’n meddu ar y gallu i addasu ac arloesi.
• Cefnogi'r gymuned i fod yn gyfforddus ac yn hyderus wrth ddefnyddio technoleg ddigidol i gael mynediad at wasanaethau.
• Cefnogi’r gwaith o wella cysylltedd digidol ar gyfer y sir gyfan.
• Darparu gwasanaethau TGCh cynaliadwy, cydnerth a diogel i'r cyngor a'i bartneriaid.
• Cefnogi’r gwaith o ddatblygu a darparu model rhagnodi cymdeithasol sy’n creu cymunedau gofalgar ac arloesol.
• Cefnogi’r gwaith o ddarparu atebion sy’n ymwneud â Gofal a Alluogir gan Dechnoleg sy’n galluogi annibyniaeth.
• Datblygu sgiliau arwain digidol ar draws y gweithlu.
• Rhoi'r offer a'r systemau i'n staff i weithio'n effeithlon ac effeithiol.
• Darparu gwasanaethau digidol aeddfed sy'n lleihau biwrocratiaeth ac yn gwella effeithlonrwydd er mwyn sicrhau buddion ariannol gwirioneddol.
• Darparu atebion digidol sy’n cefnogi’r gwaith o gyflawni Sero Net.
• Cyflawni gwaith i sicrhau bod diogelwch a chydnerthedd yn sail i bopeth a wnawn.
• Gwneud defnydd gwell o wybodaeth i gefnogi penderfyniadau a dod yn sefydliad sy'n cael ei yrru gan ddata.
• Rhoi mynediad 24/7 i ddinasyddion at wasanaethau trwy Fy Nghyfrif a gwasanaethau ar-lein.

Creu Strategaeth

Mae cynnig strategaeth hirdymor yn y maes TGCh a digidol yn medru bod yn dipyn o her. Er mwyn manteisio ar y newid technolegol a’r cyfleoedd newydd a ddaw yn sgil hyn, mae angen i ni fod yn hyblyg ac yn barod i groesawu’r newid hwn.

Rhaid i’r strategaeth ystyried ein hanghenion at y dyfodol a bodloni’r egwyddorion datblygu cynaliadwy a'r pum ffordd o weithio sydd wedi’u cynnwys yn Neddf Cenedlaethau’r Dyfodol. Rhaid iddi hefyd fod yn ddigon hyblyg i fedru addasu i dechnoleg sy’n newid.

Wrth wraidd ein strategaeth y mae egwyddorion a chynlluniau a fydd yn cael eu hadolygu o leiaf dwywaith y flwyddyn. Bydd y sesiynau adolygu yn ystyried yr hyn sydd wedi’i gyflawni hyd yma a byddant yn addasu’r cynlluniau i sicrhau bod y strategaeth yn cael ei gwireddu. Mae’n hanfodol ein bod yn cynnwys prosesau adolygu i sicrhau bod modd i’r sefydliad addasu fel y gallwn ni groesawu tueddiadau newydd a’r dechnoleg ddiweddaraf wrth iddi ddod ar y farchnad.

Mae’r strategaeth hon yn ystyried y sefyllfa yn yr hirdymor dros y 6 blynedd nesaf. Serch hynny, bydd cynlluniau ar gyfer y ddwy flynedd gyntaf yn cael eu cynnwys er mwyn cefnogi’r gwaith o gyflawni’r amcanion.

STRATEGAETH 2024 -2030

Cynlluniau dwy flynedd gan gynnwys gwaith adolygu ac adrodd

Ein Colofnau Strategol

Rydym wedi rhannu ein strategaeth i 3 colofn strategol, gan amlinellu’r meysydd blaenoriaeth y mae angen eu cefnogi.

Rydym yn darparu gwasanaethau

Trwy gynnig gwasanaeth, rydym yn helpu rhywun i wneud rhywbeth.

Mae rhan fwyaf o waith y Cyngor yn ymwneud â darparu gwasanaethau i ddinasyddion. Mae’n rhaid i ni sicrhau bod y gwasanaethau hyn yn cael eu datblygu yn unol ag anghenion y gymuned a’u bod yn manteisio ar y dechnoleg sy’n bodoli ar yr adeg honno. Mae parhau i wella gwasanaethau yn hanfodol a rhaid i ni fanteisio ar dechnoleg ddigidol i wella perfformiad a darparu gwasanaethau mwy effeithlon i’r dinasyddion. Mae gwella hyder digidol y staff yn hanfodol fel y gallant wella’r modd y cynllunnir prosesau a sicrhau effeithlonrwydd o fewn eu timau eu hunain.

Wrth ddatblygu gwasanaethau ac atebion digidol, byddwn yn sicrhau ein bod yn ystyried yr egwyddorion canlynol:

Sut mae cael Ceredigion i fod yn sefydliad digidol mwy hyderus? Sefydliad fydd yn gallu arwain a chyflawni prosiectau digidol a chefnogi trigolion a chymunedau Ceredigion a Chanolbarth Cymru.

Drwy ymchwilio ac ymgysylltu â rhanddeiliaid, rydym wedi nodi’r canlyniadau strategol canlynol y mae’n rhaid eu cyflawni.

Canlyniad Strategol

• Bod gan staff hyder yn eu sgiliau a'u defnydd o dechnoleg.
• Bod mwy o rolau digidol penodol yn cefnogi’r gwaith o gyflwyno prosiectau digidol ac yn sicrhau bod prosiectau'n cael eu rheoli'n effeithiol.
• Cynyddu capasiti y staff digidol i sicrhau y gellir croesawu technoleg a chefnogi datblygiad a sgiliau’r gweithlu ehangach.
• Sicrhau nad yw gwasanaethau yn gweithio mewn seilos ac annog cydweithio o fewn ‘Tîm Ceredigion’.
• Bod gwasanaethau wedi'u cynllunio o amgylch y defnyddiwr ac yn ystyried adborth y defnyddwyr.

Sut ydym ni’n mesur cynnydd?

• Arolwg hyder digidol
• Staff yn mynychu hyfforddiant digidol
• Adborth o’r digwyddiadau
• Adborth o’r cwrs hyfforddi digidol
• Aeddfedrwydd digidol i’w weld mewn gwasanaethau
• Archwiliad o’r sgiliau digidol

Canlyniad Strategol

• Bod systemau TGCh a gwasanaethau yn cael eu monitro i sicrhau eu bod yn medru bodloni galwadau’r defnyddwyr.
• Bod gan galedwedd gyfrifiadurol raglen adnewyddu sy’n cael ei rheoli i sicrhau bod gan y staff i gyd yr offer cywir i wneud y gwaith.
• Bod systemau'n addas i’r diben fel bod modd i staff weithio'n effeithlon yn ddigidol.
• Defnyddir cyfleoedd i dynnu technolegau ynghyd i leihau dyblygu ac i symleiddio ein hystâd dechnolegol.
• Bod gwybodaeth a chofnodion yn cael eu cadw a'u rheoli'n ddiogel ac yn unol â rheoliadau llywodraethu gwybodaeth.
• Bod y gwaith o reoli gwendidau yn rhagweithiol a rheolir gwendidau meddalwedd a'u patsio yn unol â safonau'r diwydiant.
• Bod y gwasanaethau TGCh yn wydn, yn ddibynadwy ac â’r gallu i gefnogi gweithlu cynhyrchiol.
• Bod y gweinydd a’r seilwaith yn cael eu cynnal, ac mae'r cwmwl yn cael ei ddefnyddio'n bragmataidd.
• Bod trefniadau cadw data a gwybodaeth yn cael eu gwella o fewn systemau fel y gellid cefnogi prosesau rheoli cofnodion yn well
• Bod TGCh yn cefnogi'r agenda digidol a bod y datblygiadau wedi'u cynllunio'n eglur.
• Bod cyfarpar Deallusrwydd Artiffisial ar gael i’r staff i gefnogi eu gwaith

Sut ydym ni’n mesur cynnydd?

• Galwadau ffôn i’r ddesg gwasanaeth
• Sgôr Ddiogelwch/ Secure Score
• Sgôr Agored i Risg Seiberddiogelwch
• Defnyddio canlyniadau arolygon

Canlyniad Strategol

• Bydd y trefniadau ar gyfer prosesu a rhannu data personol wastad yn foesegol, yn unol â’r hysbysiadau prosesu a’r asesiadau effaith o ran prosesu data a byddant yn cadw at fesurau llywodraethu llym o ran prosesu data er mwyn sicrhau y gall y cyhoedd fod yn hyderus yn y ffordd yr ydym yn trin ac yn diogelu eu data.
• Bod metrigau perfformiad wedi'u gosod yn ofalus i yrru perfformiad a gwelliant.
• Bod yr arweinyddiaeth yn disgwyl i benderfyniadau gael eu hangori gan ddata.
• Gellir datblygu a dadansoddi dangosfwrdd data yn gyflym er mwyn diwallu anghenion y gwasanaeth.
• Bod seilos data wedi'u cwtogi er mwyn medru defnyddio data ar draws y sefydliad.
• Bod dyfeisiau adnabod allweddol yn cysylltu'r rhan fwyaf o’r prif systemau fel y gellir ymddiried yn y data craidd a gwella’i ansawdd.
• Rheolir ansawdd y data a chedwir cofnodion cywir o’r gwaith prosesu data gan arwain at well llywodraethu data.
• Bod gan ein gweithlu sgiliau Microsoft Power Bi a gallant ddefnyddio Dangosfyrddau ar gyfer pob maes busnes allweddol.
• Bod Deallusrwydd Artiffisial yn cefnogi’r modd y caiff data ei ddadansoddi a’i gyflwyno.
• Gall arbenigwyr data gael mynediad i setiau data diffiniedig, dibynadwy er mwyn medru datblygu’n gyflym.
• Lle bo hynny’n bosib, dylai gwybodaeth ac ystadegau gael eu cyhoeddi ar gyfer eu hailddefnyddio’n eang , yn enwedig lle y gall hyn leihau’r baich o ran Rhyddid Gwybodaeth.
• Bod llinellau data (awtomeiddio) yn cael eu creu i gynnal setiau data craidd eglur, amserol a chywir er mwyn eu dadansoddi.
• Bod y gwaith o gaffael systemau newydd yn cefnogi’r safonau agored. Bod systemau yn cynnal safonau API sicr ac yn meddu ar ddyfeisiau adnabod a fydd yn gwella cydweithio a’r gwaith o rannu data.

Sut ydym ni’n mesur cynnydd?

• Dangosfwrdd data ar gael ar gyfer pob gwasanaeth
• Dangosyddion ansawdd data ar gyfer pob system graidd
• Nifer y ffynonellau data diffiniedig sydd ar gael fel data agored
• Nifer y data craidd diffiniedig
• Amrywiaeth o ddangosyddion ansawdd data
• Y ceisiadau Rhyddid Gwybodaeth a gyfeirir tuag at ddata agored
• Nifer y cyfrifon cwsmeriaid dilys
• Nifer y cyfrifon dilys sy’n croesgyfeirio at gyfrifon eraill

Canlyniad Strategol

• Cyflawnir y weledigaeth, strategaeth, goruchwyliaeth a llywodraethu technegol o'r canol gan adael i arweinwyr yn y gwasanaethau ddatblygu a chyflawni'n annibynnol o fewn y ffiniau hynny.
• Bod bwrdd prosiect digidol yn monitro ac yn cymeradwyo’r gwaith o gyflawni prosiectau digidol.
• Bod arweinwyr yn hyderus yn eu rôl o gyflawni prosiectau digidol.
• Bod gan arweinwyr sgiliau amlwg o ran dadansoddi busnes a’u bod yn meddu ar gyfleoedd a hyder i geisio newidiadau.
• Bod gan yr arweinwyr y sgiliau a’r hyfforddiant i ddefnyddio adroddiadau a dadansoddiad o’r data fel y gallant wneud gwell penderfyniadau yn seiliedig ar wybodaeth.
• Bod arweinwyr yn parhau i adolygu gwasanaethau gan ganolbwyntio ar ddatblygiad hirdymor i sicrhau bod y gwasanaethau yn esblygu gyda’r dechnoleg.
• Bod arweinwyr yn gallu cynllunio a gweithredu strategaethau sy'n canolbwyntio ar y dinesydd.
• Bod y strwythurau a’r capasiti staffio yn cefnogi'r agenda digidol i wella gwasanaethau a chanlyniadau.
• Bod arweinwyr yn deall ac yn ystyried egwyddorion Dylunio Gwasanaethau.
• Bod arweinwyr wedi ymrwymo i welliant parhaus er mwyn hybu prosesau effeithlon ac effeithiol.
• Bod arweinwyr yn defnyddio dulliau cyson o gyfathrebu, sydd o’r ansawdd uchaf, gan gynnwys postiadau priodol ar y Cyfryngau Cymdeithasol i wella’r broses o gyfathrebu gyda defnyddwyr gwasanaethau.

Sut ydym ni’n mesur cynnydd?

• Metrigau hyfforddiant digidol
• Amrywiaeth o adborth
• Tanysgrifiadau i’r cylchlythyr
• Cofrestriadau ymgysylltu
• Nifer y cylchlythyron a phostiadau ar y cyfryngau cymdeithasol
• Data perfformiad prosiectau
• Digidol wedi ymwreiddio yn y strategaethau

Canlyniad Strategol

Mae’r Fframwaith Asesu Seiber wrthi’n cael ei baratoi fel y safon ddiofyn ar gyfer Llywodraethu. Byddwn yn gweithio gyda llywodraethau Cymru a'r DU i weithredu'r Fframwaith i fod yn safon wrth i’r Fframwaith hwn esblygu i ddiwallu anghenion llywodraeth leol.

• Trefniadau Digwyddiad Diogelwch a Rheoli Digwyddiadau ar waith.
• Monitro ac adfer awtomataidd ar gyfer digwyddiadau syml, gyda mesurau adrodd ar waith.
• Bod Deallusrwydd Artiffisial yn cael ei ddefnyddio i gefnogi’r gwaith o fonitro diogelwch
• Bod llawlyfrau ar waith i gefnogi’r ymateb i ddigwyddiadau disgwyliedig.
• Gwell sefyllfa ddiogelwch i gefnogi’r lefelau bygythiad presennol a’r risg lai oddi wrth gyrff/actorion anwladwriaethol.
• Bod tystiolaeth o gynllunio gwytnwch a’r mesurau i ymateb, a bod prosesau cadarn a threfniadau llywodraethu ar waith.
• Bod pob cyflenwr a chontract yn cael ei ddilysu'n rheolaidd i sicrhau gwytnwch a gwella diogelwch o ran y gadwyn gyflenwi.

Sut ydym ni’n mesur cynnydd?

• Hunanasesiad CAF
• Polisïau a gweithdrefnau craidd ar waith ac yn cael eu harchwilio.
• Sgoriau Microsoft Secure & Exposure Management
• Mesurau’r Ganolfan Weithredu Diogelwch

Canlyniad Strategol

• Llai o bost yn dod i mewn ac allan o ganlyniad i wella sianeli digidol.
• Llai o deithio drwy wneud gwell defnydd o sianeli digidol a thechnoleg cydweithio er mwyn cefnogi opsiynau o ran cyfarfodydd hybrid.
• Monitro a lleihau'r defnydd o ynni wrth redeg adeiladu, systemau, canolfannau data ac offer.
• Lleihau'r defnydd o ynni drwy gynyddu’r prosesau monitro a dadansoddi data er mwyn canfod anawsterau a thynnu sylw at y defnydd a wneir.

Sut ydym ni’n mesur cynnydd?

• Post sy’n dod i mewn ac allan
• Defnydd y ganolfan ddata o ynni
• Metrigau ac adroddiadau ynni
• Hawliadau milltiroedd
• Asesu aeddfedrwydd digidol pob gwasanaeth

Canlyniad Strategol

• Bod rheolwyr gwasanaethau yn eglur ynghylch y gwasanaethau maen nhw’n eu cynnig ac yn cynnal asesiadau aeddfedrwydd digidol i gefnogi cynllun gwella parhaus.
• Ymgynghorir â defnyddwyr gwasanaethau a dilynir egwyddorion da o ran dylunio gwasanaeth.
• Bod trigolion dethol yn mynychu gweithdai Dinasyddion i helpu i lunio’r gwasanaeth a ddarperir.
• Cesglir adborth o'r holl wasanaethau ac fe’i dadansoddir i helpu â’r gwaith o wella gwasanaethau / cyfrannu at gynlluniau datblygu’r gwasanaethau
• Bod arweinwyr digidol yn ymwybodol o waith dylunio GDS, CLlLC/WLGA Digidol a CDPS. Mae arweinwyr yn sicrhau cysondeb ac yn cynllunio yn ôl safonau’r gwasanaethau.
• Bod hyfforddiant digidol y Staff yn sicrhau bod staff digidol craidd yn ystyried Hygyrchedd, Profiad y Defnyddiwr (UX) a Phrofiad y Cwsmer (CX), wrth ddatblygu gwasanaeth.
• Bod arweinwyr yn pwyso a mesur yr ystyriaethau o ran moeseg a phreifatrwydd wrth i dechnoleg esblygu a phrosesau newid.

Sut ydym ni’n mesur cynnydd?

• Cofrestr y Gwasanaeth
• Matrics aeddfedrwydd digidol
• Sgoriau adborth defnyddwyr
• Nifer y gweithdai i Ddinasyddion

Canlyniad Strategol

• Mae’r gwasanaethau wedi’u cynllunio gan feddwl am y defnyddwyr ac maent yn hygyrch ac yn hawdd i’w defnyddio.
• Gall dinasyddion gael mynediad i’r gwasanaethau a fydd wedi’u cynllunio’n dda ac yn ddwyieithog.
• Gwella’r ffyrdd y gall cwsmeriaid ryngweithio â ni gan sicrhau eu bod o ansawdd.
• Bod safonau a chanllawiau yn sicrhau bod y cynnwys yn addas i fodau dynol, peiriannau chwilio ac offer Dealltwriaeth Artiffisial ei ddeall.
• Rheolir gwybodaeth bersonol y cwsmeriaid yn briodol i sicrhau bod gwybodaeth yn cael ei rhannu yn ddiogel a bod y cyfathrebu hefyd yn ddiogel.
• Bod staff wyneb yn wyneb ar gael i gefnogi'r cwsmeriaid sydd allan ohoni yn ddigidol neu sydd angen cymorth i gael mynediad i wasanaethau digidol.
• Gall trigolion drefnu apwyntiad ar-lein i gwrdd â chynrychiolwyr o’r gwasanaethau i drafod eu problemau a chael cymorth proffesiynol.

Sut ydym ni’n mesur cynnydd?

• Cwynion a chanmoliaeth gan gwsmeriaid
• Boddhad gydag Ymholiadau
• Cylchrediad cylchlythyron
• Dadansoddeg y Cyfryngau Cymdeithasol
• Dadansoddeg y wefan
• Y defnydd o ‘Fy nghyfrif’
• Metrigau wyneb yn wyneb

Sut mae trigolion yn ymgysylltu ac yn cydweithio â sefydliad digidol? Sut ydyn ni'n cefnogi dinasyddion Ceredigion i gael gafael ar ein gwasanaethau'n ddigidol?

Canlyniad Strategol

• Mae Fy Nghyfrif yn cael ei wella’n barhaus, ac mae’r wefan gorfforaethol yn cefnogi cyfleoedd parhaus i hunangefnogi a rhyngweithio â gwasanaethau ar bob adeg
• Cynyddodd nifer y dinasyddion sy'n rhyngweithio â'r cyngor trwy Fy Nghyfrif.
• Nifer fawr o wasanaethau defnyddiol ar gael trwy Fy Nghyfrif
  (Er enghraifft, datganiad Treth y Cyngor, gwneud cais am ostyngiad yn nhreth y cyngor, ymuno â llyfrgell, neu ddiweddaru cofnod gofal maeth, porth rhieni a mwy.)
• Mae aelodau staff sy’n gysylltwyr cymunedol a digidol yn cefnogi dinasyddion i fagu hyder wrth gael gafael ar wasanaethau ar-lein.
• Gall staff y llyfrgelloedd gefnogi'r cyhoedd gydag ymholiadau digidol sylfaenol.
• Mae gan y rhan fwyaf o wasanaethau'r cyngor wasanaeth digidol aeddfed sy'n caniatáu hunanwasanaeth a chyfathrebu electronig.

Mesurau

• Defnyddwyr cofrestredig Fy Nghyfrif
• % Oedolion Ceredigion sydd â Fy Nghyfrif
• Nifer yr ymholiadau a gofnodwyd trwy Fy Nghyfrif.
• Nifer y mewngofnodiadau y mis
• Asesiadau aeddfedrwydd digidol ynghylch gwasanaethau unigol y Cyngor

Canlyniad Strategol

Bydd sianeli ychwanegol gan gynnwys Sgwrsfotiau AI yn cael eu harchwilio wrth i dechnoleg wella.

• Caiff technoleg newydd i wella’r modd y mae cwsmeriaid yn rhyngweithio â’r Cyngor ei harchwilio a’i hasesu
• Sianel sgwrsio ar y Wefan a Fy Nghyfrif i ganiatáu mynediad hawdd at gymorth ar-lein.
• Gellir neilltuo a rheoli apwyntiadau galwad fideo ar gyfer Gwasanaeth Cwsmeriaid neu gyswllt â staff cefn swyddfa ar-lein.
• Mae teclynnau Sgwrsfot ac AI ar gael i helpu i gyfeirio at adnoddau digidol a rhoi cymorth y tu allan i oriau.
• Mae canran is o ymholiadau dros y ffôn wedi rhoi amser yn ôl i staff cyswllt i gefnogi dinasyddion mewn ffyrdd newydd.

Mesurau

• Canran yr ymholiadau fesul sianel
• Arolygon boddhad cwsmeriaid
• % yr ymholiadau a gaewyd ar y cyswllt cyntaf

Canlyniad Strategol

• Mae gwefan y Cyngor yn fodern, yn ddeniadol, yn hygyrch ac yn hyrwyddo ein gwerthoedd a'n strategaeth gorfforaethol.
• Gall dinasyddion gofrestru a chael cylchlythyrau rheolaidd a diweddariadau rheolaidd o ran gwasanaethau.
• Mae dinasyddion yn cael eu hannog i gymryd rhan mewn democratiaeth leol a chyfleoedd ymgysylltu.
• Caiff democratiaeth leol ei chryfhau trwy ddarparu cyfleoedd i’r cyhoedd fynychu cyfarfodydd pwyllgorau yn rhithwir. Hefyd, er mwyn dilyn y broses ddemocrataidd, gall y cyhoedd wylio’r cyfarfodydd yn fyw neu ar ôl hynny gan ddefnyddio’r gwasanaeth ffrydio.
• Mae brand digidol clir a chyson ar draws yr holl ddulliau cyfathrebu a’r cyfryngau cymdeithasol sy’n ysgogi ymgysylltu.

Mesurau

• Dosbarthu cylchlythyrau.
• Dilynwyr Cyfryngau Cymdeithasol
• Ymatebion Ymgysylltu
• Faint sydd wedi gweld y Wefan a dadansoddiad o’r Wefan

Canlyniad Strategol

Mae cynnwys dinasyddion yn hanfodol wrth geisio gwella gwasanaethau cyhoeddus, ehangu ymgysylltu â’r gymuned, a chynyddu lefel hyder y cyhoedd mewn llywodraeth leol.

• Mae staff digidol yn hyrwyddo dyluniad sy'n canolbwyntio ar ddefnyddwyr
• Mae adborth defnyddwyr yn cael ei gasglu a'i ddadansoddi'n rheolaidd.
• Gwahoddir defnyddwyr i weithdai dinasyddion i helpu i gynllunio gwasanaethau newydd.
• Mae profion hygyrchedd yn arfer safonol gyda gwasanaethau.
• Mae'r wefan gorfforaethol yn parhau i gydymffurfio â'r safonau hygyrchedd diweddaraf o ran y we.

Mesurau

• Sesiynau ffocws defnyddwyr ac adborth
• Adborth defnyddwyr
• Ymatebion i'r Arolwg

Canlyniad Strategol

• Mae opsiynau talu arian parod yn parhau ar gyfer y rheini na allant dalu trwy ddulliau eraill.
• Pob gwasanaeth wedi'i gynllunio i fod yn ddi-arian-parod yn ddiofyn.
• Cynnydd mewn taliadau debyd uniongyrchol.
• Ni dderbynnir sieciau mwyach.

Mesurau

• Gwerthoedd incwm arian parod
• Gwerthoedd talu sieciau
• Gwerthoedd talu Debyd Uniongyrchol

Sut mae’r gymuned yn elwa o gydweithio digidol gwell? Sut mae datblygu mentrau i ddatblygu a chefnogi ein cymuned ehangach yn well i fod yn fwy cydnerth?

Canlyniad Strategol

Byddwn yn cefnogi ac yn cydweithio â Thyfu Canolbarth Cymru gan helpu i gyflawni Bargen Twf Canolbarth Cymru:

• Cynyddu canran yr eiddo sy’n gallu cael band eang gwibgyswllt / cyflym iawn.
• Mwy o ddarpariaeth a defnyddioldeb rhwydweithiau symudol 4G a 5G.
• Mwy o ddarpariaeth a mwy o ddefnydd o IOT a rhwydweithiau ardal eang o bell (LoRaWAN) ar draws y sir.
• Mwy o ddarpariaeth o Wi-Fi Cyhoeddus

Mesurau

• % yr eiddo yng Ngheredigion sydd â mynediad at fand eang cyflym iawn
• % o dir Ceredigion sydd â darpariaeth 4G neu well
• Targedau Digidol Tyfu Canolbarth Cymru

Canlyniad Strategol

• Mae gwasanaethau i fusnes ar gael trwy nodweddion penodol ar Fy Nghyfrif.
• Mae swyddogaethau Fy Nghyfrif Busnes yn cefnogi integreiddio â phartneriaid fel iechyd, yr heddlu ac asiantaethau cymorth eraill.
• Mae hyder busnes yn y defnydd o dechnoleg ddigidol yn gwella.
• Rheolir cymorth i fusnesau drwy nodweddion Rheoli Cysylltiadau Cwsmeriaid (CRM) penodedig sy'n galluogi staff gwasanaethau i gwsmeriaid i gefnogi busnesau'n fwy effeithiol.
• Mae busnesau'n ymwneud ag ailgynllunio gwasanaethau sy'n canolbwyntio ar fusnes i ddiwallu eu hanghenion a lleihau biwrocratiaeth.
• Mae'r cyngor wedi gwella data a dadansoddi i helpu i gefnogi ein sector busnes.
• Arolwg digidol busnes ar adegau penodol yn ystod cyfnod y strategaeth i ddeall anghenion esblygol busnesau.

Mesurau

• Nifer y busnesau sydd wedi cofrestru gyda Clic.
• Adborth gan fusnesau ar wasanaethau cymorth.
• Dadansoddiad o ddata busnes
• Nifer y defnyddwyr busnes ar Fy Nghyfrif
• Dadansoddiad o ymatebion arolwg

Canlyniad Strategol

Cefnogi’r strategaeth Llesiant Gydol Oes trwy sicrhau:

• Bod ansawdd data ar draws systemau yn cael ei fesur a'i wella. Bydd hyn yn gwella cywirdeb a bydd yn cefnogi’r gwaith o rannu data ar draws iechyd a gofal cymdeithasol.
• Bod yna ryngweithredu rhwng systemau. Mae Rhyngwynebau Rhaglennu (API) yn caniatáu cydweithio a’r gallu i ddadansoddi data yn well ar draws yr holl wasanaethau.
• Bod cymorth ar gael ar gyfer cofnod iechyd a gofal cymdeithasol Cymru gyfan.
• Bod holl ymwneud gofal cymdeithasol yn cael ei olrhain a'i fonitro'n gorfforaethol a'i gofnodi mewn systemau craidd i ganiatáu rhannu.

Mesurau

• Canran cofnodion Cleient â Rhif GIG cyfatebol
• Metrigau Ansawdd Data megis % y cofnodion cwsmeriaid sydd wedi’u cwblhau a % y setiau data craidd ym maes Gofal Cymdeithasol sydd wedi’u cwblhau
• Canran y cofnodion CRM a barwyd â systemau cefn swyddfa.

Canlyniad Strategol

Mae mynd i’r afael ag anghenion anfeddygol yn cael ei gydnabod fwyfwy fel rhywbeth pwysig i gefnogi iechyd a lles a lleihau’r baich ar iechyd a gofal cymdeithasol.

• Defnyddir teclynnau digidol i gyfeirio dinasyddion at wasanaethau cymorth.
• Mae dadansoddi data yn helpu i nodi cyfleoedd cynnar i gefnogi dinasyddion.
• Mae cysylltwyr digidol yn cefnogi dinasyddion i gael gafael ar wasanaethau'n ddigidol.
• Mae dadansoddi data yn helpu i nodi cyfleoedd ar gyfer datblygu microfusnesau ac i wella cymorth i ddefnyddwyr gwasanaethau.

Mesurau

• Nifer y dinasyddion sy'n defnyddio gwasanaethau wedi'u cyfeirio
• Boddhad y Cwsmeriaid â’r gwasanaeth
• Yr amser rhwng yr atgyfeiriad a’r cyswllt cyntaf
• % sy’n cwblhau’r ymyrraeth

Canlyniad Strategol

• Mae ystafell arddangos canolfan byw'n annibynnol yn cefnogi ac yn cynorthwyo'r cyhoedd gyda chyfeirio digidol dyfeisiau ac atebion gofal a alluogir gan dechnoleg a all gefnogi dinasyddion.
• Mae gwasanaethau teleofal yng Ngheredigion wedi’u ‘galluogi’n ddigidol’ yn llawn cyn y terfyn amser yn 2025.
• Mae treialon yng nghyswllt technoleg newydd yn cael eu cynnal yn rheolaidd a lle bo'n briodol yn cael eu dangos a/neu eu dosbarthu o ystafell arddangos gofal a alluogir gan dechnoleg.
• Mae Gwasanaethau a Chyfarpar Gofal a Alluogir gan Dechnoleg yn rhoi data gwybodaeth busnes cyson i gefnogi canlyniadau mesuradwy.
• Mae gwybodaeth am ddeallusrwydd busnes yn olrhain ac yn gwella canlyniadau gofal i ddinasyddion.

Mesurau

• Nifer yr ymwelwyr a chleientiaid a gefnogir.
• Nifer yr eitemau a werthwyd ac a ddosbarthwyd i ddefnyddwyr.
• Adborth gan ddefnyddwyr gwasanaethau a theuluoedd
• Dadansoddi data o ddata synhwyrydd ac offer

Canlyniad Strategol

Parhau i adeiladu ar Raglen Hwb Cymru Gyfan a’i chefnogi a sicrhau darpariaeth TGCh gydnerth a chynaliadwy ar draws ysgolion

• Mae gan bob ysgol sydd â Chytundeb Lefel Gwasanaeth Gynllun Datblygu TGCh cynaliadwy
• Mae gallu ysgolion o ran cysylltedd yn addas ac yn cefnogi anghenion dysgu digidol parhaus.
• Cefnogir y cwricwlwm newydd yn effeithiol ag adnoddau a sgiliau TGCh a Digidol.

Mesurau

• % y cynlluniau datblygu sydd mewn lle
• % yr ysgolion sydd â’r cysylltedd priodol ar waith i gefnogi’r cwricwlwm

Canlyniad Strategol

Gall dinasyddion gael eu hallgáu o wasanaethau digidol am lawer o resymau, a bydd lleihau allgáu o wasanaethau digidol yn cael ei dargedu gyda'r camau gweithredu canlynol.

• Ystod a nifer cynyddol o Gyfarpar TGCh mewn llyfrgelloedd.
• Mwy o ddarpariaeth Wi-Fi am ddim mewn canol trefi a chymunedau.
• Bydd y gwasanaethau digidol yn bodloni’r safonau hygyrchedd.
• Mae asiantiaid dysgu oedolion / cysylltwyr cymunedol yn cefnogi'r rheini sydd angen help i wella eu hyder digidol.
• Gall staff llyfrgell a staff cyswllt cwsmeriaid gefnogi dinasyddion gyda thasgau digidol sylfaenol.
• Datblygu Cytundebau Mynediad Agored er mwyn caniatáu i weithredwyr cysylltedd ddefnyddio asedau’r cyngor gan gefnogi’r broses o gyflwyno technoleg.
• Gwella prosesau i gefnogi darpariaeth gyflymach o brosiectau cysylltedd newydd gan Weithredwyr Rhwydwaith Symudol neu ddarparwyr cysylltedd.
• Rhoddir ystyriaeth i bob defnyddiwr gwasanaeth wrth ddatblygu gwasanaethau a chynhelir Asesiadau Effaith Integredig lle bo'n briodol.

Mesurau

• Cwmpas Wi-Fi y Dref
• Mae cysylltiad Wi-Fi yn cyfrif
• Sgôr hygyrchedd
• Nifer y nodau cytundeb Mynediad Agored yn eu lle.
• Metrigau cwmpas cysylltedd

Y Trefniadau Llywodraethu a Chyflawni Arfaethedig

Bydd bwrdd prosiect digidol yn goruchwylio’r Strategaeth Ddigidol a bydd hyn yn cynnwys “Hyrwyddwyr Digidol” o bob un o’r 13 maes gwasanaeth. Bydd Cadeirydd y bwrdd prosiect digidol, gyda chymorth rheolwyr prosiect, yn goruchwylio’r modd y cyflawnir y strategaeth gan sicrhau bod y cynnydd a wneir o ran y strategaeth a chynlluniau cyflawni’r gwasanaethau yn cael ei adrodd gerbron y Grŵp Arweiniol, y Pwyllgorau Craffu a’r Bwrdd Perfformiad Corfforaethol.

Wrth gyflawni’r strategaeth, bydd angen i bob maes gwasanaeth barhau i ddatblygu’r gwasanaethau a ddarperir ganddynt fel rhan o’r hyn y maent yn ei wneud bob dydd. Bydd aeddfedrwydd digidol y gwasanaethau presennol yn esblygu ond dylai pob gwasanaeth newydd fod yn ddigidol aeddfed o’r cychwyn cyntaf. Bydd angen i bob gwasanaeth sicrhau bod gan y staff y sgiliau a’r gallu i gefnogi dinasyddion a darparu gwasanaethau modern, effeithlon a chydgysylltiedig gan ddefnyddio mesurau CAMPUS (cyraeddadwy, amserol, mesuradwy, penodol, uchelgeisiol, synhwyrol). Bydd y mesurau hyn yn cael eu diffinio’n fwy manwl yn y cynlluniau cyflenwi.

Bydd y grŵp arweiniol yn gyfrifol am y canlynol:

• Cytuno ar y strategaeth, cyn ei chyflwyno gerbron y broses wleidyddol i’w chymeradwyo a mynd ati i ymgynghori yn ei chylch.
• Cytuno ar gynllun gweithredu’r strategaeth a sicrhau portffolio ffiniedig ar gyfer y tymor.
• Cytuno ar gynlluniau digidol ar gyfer gwasanaethau unigol.
• Sicrhau bod gan bob gwasanaeth hyrwyddwr digidol yn ei le.
• Monitro a herio cynnydd, gan sicrhau bod yr anghenion corfforaethol yn cael eu diwallu.
• Cytuno ar adnoddau digonol a’u dyrannu i sicrhau bod y strategaeth a’r cynlluniau yn cael eu cyflawni'n effeithiol.
• Cytuno ar gyllid a’i ddyrannu o'r gronfa wrth gefn sydd wedi'i chlustnodi ar gyfer gwasanaethau digidol.

Bydd y bwrdd prosiect digidol yn gyfrifol am y canlynol:

• Blaenoriaethu’r prosiectau sydd wedi’u cynnwys yn y cynlluniau dwy flynedd.
• Cymeradwyo cynlluniau ar gyfer darparu gwasanaethau a'u cyflwyno i'r Grŵp Arweiniol.
• Cydlynu’r prosiectau gan fwrw ymlaen â phrosiectau / oedi prosiectau a blaenoriaethu’r rheiny sy’n sicrhau’r effeithiau neu’r enillion mwyaf, yn unol â’r adnoddau sydd ar gael.
• Sicrhau bod gan y meysydd gwasanaeth y sgiliau a'r awdurdod i gyflawni gwelliannau o fewn y prosesau a’r gwasanaethau.
• Adolygu cynllun cyflawni'r Strategaeth yn rheolaidd yn unol â gofynion y Cyngor, newidiadau mewn technoleg a gwerth am arian.
• Adolygu cynlluniau digidol y gwasanaethau yn rheolaidd i sicrhau bod cynnydd yn cael ei wneud yn unol â gofynion y Strategaeth a gofynion y Cyngor.
• Monitro a sbarduno cynnydd, gan sicrhau bod yr holl fetrigau gofynnol yn cael eu casglu ynghyd a'u hadrodd yn awtomatig bob chwarter i'r grŵp arweiniol a'r bwrdd perfformiad corfforaethol.
• Cydlynu’r cynlluniau dwy flynedd.

Bydd y Swyddog Arweiniol Corfforaethol dros y Gwasanaethau Cyswllt Cwsmeriaid, TGCh a Digidol yn gyfrifol am y canlynol:

• Goruchwylio’r cynnyrch a’r prosiectau digidol gan sicrhau bod gweledigaeth a strategaeth dechnegol ar waith, a’u bod yn gyson.
• Coladu a chadw cynlluniau gweithredu’r strategaeth y cytunwyd arnynt yn y bwrdd prosiect digidol.
• Monitro aeddfedrwydd y gwasanaethau ac adrodd yn ei gylch
• Sicrhau bod gan brosiectau gysylltiadau priodol â phensaernïaeth dechnegol a gwasanaethau cymorth i gwsmeriaid.
• Gweithio gyda’r gwasanaethau i lunio a theilwra’r gofynion fel eu bod yn cyd-fynd â’r amcanion strategol. 

Bydd y Swyddog Arweiniol Corfforaethol dros Bolisi a Pherfformiad yn gyfrifol am y canlynol:

• Sicrhau bod yr adroddiadau cynnydd a’r mesurau yn cael eu hadlewyrchu’n awtomatig yng ngwaith y bwrdd perfformiad a’r cynlluniau busnes.
• Sicrhau bod y Grŵp Arweiniol yn medru monitro’r cynnydd a wneir mewn modd effeithiol.
• Cefnogi’r gwaith o graffu ar gynnydd drwy’r bwrdd perfformiad.