Ceredigion County Council

Fel rhan o’r ceisiadau cynllunio ar gyfer Datblygiadau Tai mae gofyniad i ddarparu canran o dai fforddiadwy, lle bo hynny’n ddichonadwy yn ariannol.

Un math o dai fforddiadwy y gellir ei ddarparu yw rhai “Gwerthu ar Ostyngiad”. Gyda’r math hwn o dai, fel arfer mae gostyngiad o 30% o’r pris ar y farchnad agored adeg gwerthu’r eiddo.

Mae 3 maen prawf cymhwysedd ar gyfer prynu a meddiannu tai a werthir ar ostyngiad:

1. Ni all yr ymgeisydd gael morgais ar gyfer 10% yn fwy na phris gostyngol yr eiddo, e.e. os mai’r pris gostyngol yw £100,000 er mwyn bod yn gymwys rhaid nad yw’r person yn gallu cael morgais am £110,000 neu fwy. Bydd hefyd angen i ymgeiswyr dalu am unrhyw flaendal y mae’r cwmni morgais yn gofyn amdano.

2. Cysylltiad Lleol

• • Mae’n ofynnol bod yr ymgeisydd wedi byw am gyfnod yng Ngheredigion neu mewn ardal cyngor cymuned / tref cyffiniol (neu gyfuniad o’r ddau) am gyfnod di-dor o 5 mlynedd (mae rhai eiddo hŷn yn gofyn am breswyliaeth ddi-dor o 10 mlynedd yn ystod y 20 mlynedd ddiwethaf yng Ngheredigion yn unig)

NEU

• Mae angen i’r ymgeisydd fyw yng Ngheredigion i roi gofal sylweddol i berthynas agos neu i dderbyn gofal sylweddol gan berthynas agos sydd wedi byw yng Ngheredigion neu mewn ardal cyngor cymuned / tref cyffiniol (neu gyfuniad o’r ddau) am gyfnod di-dor o 5 mlynedd (mae rhai eiddo hŷn yn gofyn am breswyliaeth ddi-dor o 10 mlynedd yn ystod y 20 mlynedd ddiwethaf yng Ngheredigion yn unig) ac ni all eiddo’r berthynas (naill ai fel y mae neu o’i ymestyn) gyflawni anghenion yr aelwyd gyfunedig

NEU

• Mae’r ymgeisydd wedi’i gyflogi yng Ngheredigion fel gweithiwr allweddol llawn-amser (37 awr) yn barhaol. At y dibenion hyn, diffinnir gweithiwr allweddol fel a ganlyn:
  • Athro mewn ysgol neu sefydliad addysg bellach neu goleg chweched dosbarth;
  • Nyrs neu weithiwr iechyd arall medrus y Gwasanaeth Iechyd Gwladol;
  • Heddwas;
  • Gweithiwr i’r gwasanaeth prawf;
  • Gweithiwr cymdeithasol;  
  • Seicolegydd addysg;
  • Therapydd galwedigaethol a gyflogir gan yr awdurdod lleol;
  • Swyddog tân;
  • Rhywun arall y mae ei gyflogaeth yn cyflawni rôl bwysig yn narpariaeth y gwasanaethau allweddol yng Ngheredigion lle bu’n anodd recriwtio o fewn y Sir. Byddai angen cytuno ar hyn gyda’r Awdurdod Lleol a byddai angen darparu tystiolaeth recriwtio.

3. Disgwylir i’r ymgeisydd feddiannu’r eiddo fel ei unig breswylfan a bydd angen iddo gadarnhau nad yw’n berchen ar eiddo preswyl arall.

Os ydych yn gwneud cais am eiddo fforddiadwy ar y cyd dim ond un ymgeisydd sydd angen bod yn gymwys ar gyfer meini prawf Preswyliad Lleol/Gweithiwr Allweddol/Gofalwr. Bydd angen i'r ddau fod yn gymwys ar gyfer y meini prawf ariannol a deiliadaeth.

Bydd y math hwn o dai’n parhau’n fforddiadwy am oes gyda’r meini prawf cymhwyso uchod.

Fel arfer caiff Tai a Werthir ar Ostyngiad eu hysbysebu drwy asiantaethau tai lleol.

Ffurflenni Cais

Cwblhewch ffurflen gais ac anfonwch y dystiolaeth briodol a nodir isod at ldp@ceredigion.gov.uk. Gwiriwch fod gennych y fersiwn cywir o'r ffurflen gan fod un ar gyfer Eiddo Disgownt ar Werth a gymeradwywyd dan y Cynllun Datblygu Unedol (CDU) (meini prawf preswylio yw 10 mlynedd ddi-dor yng Ngheredigion yn yr 20 mlynedd diwethaf) a'r llall ar gyfer Gostyngiad Eiddo ar Werth a gymeradwywyd o dan y Cynllun Datblygu Lleol (CDLl) (meini prawf preswylio yw 5 mlynedd ddi-dor yng Ngheredigion neu’r Cynghorau Tref/Cymuned cyffiniol unrhyw bryd yn ystod eich bywyd). Os nad ydych yn siŵr pa ffurflen i'w llenwi, cysylltwch â ni gyda chyfeiriad y tŷ yr ydych yn gwneud cais amdano fel y gallwn rhoi cyngor.

Y dogfennau sydd eu hangen i brofi eich cymhwysedd yw: