Cadwch yn ddiogel wrth gerdded.

Mae nifer o gamau syml y gall cerddwyr eu cymryd er mwyn cadw'n ddiogel ar ffyrdd Ceredigion, yn enwedig pan eu bod hi'n tywyllu'n gynnar yn y gaeaf.

Byddwch yn ddiogel, byddwch yn amlwg: Gwnewch eich hun yn weladwy i yrrwyr

  • Gwisgwch ddillad golau/llachar
  • Peidiwch gwisgo dillad tywyll – bydd gyrrwyr yn ei gweld hi'n anodd i sylwi arnoch
  • Carriwch fflach lamp gyda chi
  • Cerddwch mewn ardal wedi ei oleuo
  • Croeswch y ffordd yn bell o fysys, perthi, ceir wedi parcio neu rhwystrau eraill, fel bod modd i yrrwyr eich gweld
  • Gwisgwch neu gariwch rhwybeth gwyn neu adlewyrchiol fel ffon ar stribedi, bandiau braich neu adlewyrchyddion

Byddwch yn smart ac yn effro: Osgoi ymddygiad peryglus

  • Dylech bob amser gerdded ar y pafin lle bynnag y bo hynny'n bosib. Os bydd yn rhaid i chi gerdded ar y ffyrdd, dylech gerdded fesul un a chadw yn agos i ochr dde'r ffordd ac wynebu traffig sy'n dod i gwrdd â chi
  • Arhoswch yn sobr-bydd cerdded ar ôl yfed yn cynyddu eich siawns o gael eich taro
  • Peidiwch â chymryd yn ganiataol y bydd cerbydau yn dod i stop i chi; gwnewch cyswllt llygad gyda'r gyrrwr, nid ar y car yn unig. Os yw'r gyrrwr ar ffôn symudol, efallai nad ydynt yn talu digon o sylw i yrru'n ddiogel

Byddwch yn ofalus wrth groesfannau: Edrychwch cyn croesi

  • Cofiwch edrych cyn i chi groesi'r ffordd
  • Defnyddiwch fan croesi diogel fel croesfan sebra, goleuadau traffig neu ynys
  • Ufuddhewch i arwyddion traffig fel CROESI/DIM CROESI
  • Edrychwch i'r ddwy ochr a sylwi ar draffig cyn croesi – i'r chwith, i'r dde ac i'r chwith eto
  • Peidiwch â chroesi rhwng cerbydau sydd wedi parcio, gan na fydd gyrrwyr yn medru eich gweld
  • Gwyliwch am gerbydau sy'n troi; sicrhewch bod y gyrrwr yn eich gweld a stopio cyn i chi groesi